AbʼEbbulaniya 1:9 - Bbaibbuli y'oLugwere

⁹ Otaka ebikole byʼobutuukirirye, nʼocaawa obubbibubbi. Kagira nze oKibbumba, oyo oKibbumbawo nkusukireku amafuta ni nkuwa eisangaalo erikira eryʼabandi bonabona.”

AbʼEbbulaniya 1:9 ပူးပေါင်းရင်းမြစ်များ

EZabbuli 11:5

OMusengwa yeekeenenya ebikole byʼabatuukirirye, neye acaawa ababbibabbi abataka ebikole byʼobukambwe.

EZabbuli 119:104

Okubita omu mateekago nsuna obulabuki, nʼolwekyo ni ncaawa entambula yonayona embiibbi.

EZabbuli 119:128

Era olwʼokubba ngondera ebiragirobyo byonabyona, ncaawa entambula yonayona embiibbi.

EZabbuli 2:2

Abafugi bʼoku kyalo beetegeka, era abeekubbemberi bateesera aamo okulwanisya oMusengwa era okulwanisya oyo oguyasukireku amafuta.

EZabbuli 2:6

“Nteekere okabaka wange, oku lusozi lwange olutukulye oSayuuni.”

EZabbuli 23:5

Ontegekera ekiinulo ngʼabalabe bange babona. Onjaniriza omu ngeri eyʼenjawulo ngʼonsiiga okalifuwa oku mutwe. Era oizulya ekikopo kyange du.

EZabbuli 33:5

Ataka butuukirirye nʼobwenkanya, era ekisaakye kiizwire ekyalo.

EZabbuli 37:28

Ekyo kityo olwʼokubba oMusengwa ataka bwenkanya, era talekesula abamwesiga. Abakuuma emirembe gyonagyona. Neye eibyaire lyʼababbibabbi, balirijigirica.

EZabbuli 40:8

Oo Kibbumba wange, nsangaala okukola ebyotaka, era nkwata amateekago omu mwoyo gwange.”

EZabbuli 45:6

Obwakabaka oKibbumba obwakuwaire bwakubbaawo emirembe nʼemirembe. Okufugakwo omu bwakabakabwo kutambulira ku bwenkanya.

EZabbuli 45:7

Otaka ebikole byʼobutuukirirye nʼocaawa obubbibubbi. Kagira nze oKibbumba, oyo oKibbumbawo, nkusukireku amafuta ni nkuwa eisangaalo erikira eryʼabandi bonabona.

EZabbuli 89:20

Nkivumbwire nti oDawudi, yaabba muweererya wange, mmulondere nga mmusukaku amafuta amawonge okumwawula okubba kabaka.

EZabbuli 89:26

Yankobanga ati, ‘Niiwe oBbaabba era oKibbumba wange, niiwe eIbbaale lyange omu neebisa era omununuli wange.’

ENgero 8:13

Okutya oMusengwa niikwo okucaawa ekibbikibbi. Ncaawa amalala nʼokwepanka, nʼeneebitya embimbi nʼentumula eyʼobubbeyi.

OKubala 7:43

Ebyokuwaayobye byabbaire, esoniya eyʼefeeza nga yʼekiro moiza nʼekitundu; nʼekibya ekibakolesya omu kuswankira nga kyʼegulaamuzi ooti 800 okusinzirira oku bipimo byʼomu Kifo eKitukulye, byombi nga biizwire obusye obwʼengaano obusa era obubatabwiremu obwito obwʼemizaituuni, okubba ekyokuwaayo ekyʼempeke.

Luuka 4:18

“OMwoyo wa Kibbumba andiku, olwʼokubba oKibbumba yannondere okulaabba aMawuliro aMasa eeri abadoobi. Antumire okukobera abasibe ati bayezya okuzwa omu busibe, nʼaboofu bona ati baiza kwiramu ni babona. Era antumire okukobera abebagadya ati bayezya okusuna eidembe,

Yokaana 1:41

Era iye Andereya ekintu ekiyasookere okukola kwabbaire kunoonia mugandawe oSimooni nʼamukoba ati, “Tuboine oMasiya.” Amakulu gati oKurisito ogubasukireku amafuta.

Yokaana 10:17

Era ekigira oBbaabba nʼabba antaka, niikyo nti nze naliwaayo obwomi bwange ni banjita oku lwʼentaama gyange kaisi tete ni nzuukira.

Yokaana 20:17

Awo oYesu nʼamukoba ati, “Tiwaneevambiryaku olwʼokubba nkaali okukanga egiri oBbaabba. Wazira oyabe egiri abaganda bange obakobere oti, ‘Nkanga egiri oBbaabba era oItewaanywe, oKibbumba wange era oKibbumba waanywe.’ ”

Yokaana 3:34

Ekyo kityo olwʼokubba oodi nago oKibbumba oguyatumire, atumula bibono ebyo ebyasuna okuzwa eeri oKibbumba olwʼokubba oKibbumba amuwa oMwoyowe omu bwizulye.

Bikole 10:38

Ekikoba kiti, mumaite ebifa oku Yesu owʼe Naazaleesi. Mumaite ngʼoKibbumba oweyamulondere, nʼamuwa oMwoyowe oMutukulye era nʼamaani okukola ebyewunyo. Era, mumaite ngʼoYesu oyo oweyabitabitanga wonawona nga waakolera abantu ebisa neenu waalamya nʼabo bonabona ababbaire ansi wʼeifuge lya Sitaani. Ebyo byonabyona yabikolanga olwʼokubba oKibbumba yaabbanga naye.

Bikole 4:26

Abafugi bʼoku kyalo beetegeka, era abeekubbemberi bateesera aamo okulwanisya oMusengwa era okulwanisya oyo oguyasukireku amafuta.’

Bikole 4:27

“Era omu butuuce kityo wekyabbaire; okabaka oKerode nʼoPontiyo Piraato nʼaBatali Bayudaaya, era nʼaBaisirairi beekumbaaniirye omu kibuga kinu ni basala olukwe okulwanisya omuweereryawo omutukulye, oYesu oguwasukireku amafuta.

Abʼe Looma 12:9

Okutakangana kwanywe kubbenge kwʼamazima. Mucaawenge ekibbikibbi, mukalangukirenge omu kukola ebintu ebisa.

Abʼe Looma 15:13

OKibbumba onanzwa wʼokusuubira, abaizulye inywe eisangaalo lyonalyona nʼeidembe olwʼokumwikirirya, kaisi olwo mweyongerenge okubba nʼosuubi olwʼamaani ga Mwoyo oMutukulye.

1 Abʼe Kolinso 1:9

Era oKibbumba eyabeetere okugabanira aamo nʼoMwanawe oMusengwa waiswe oYesu Kurisito, iye mwesigwa.

2 Abʼe Kolinso 11:31

Era Iye oKibbumba era oIteeye wa Musengwa waiswe oYesu Kurisito, oKibbumba oyo ogubasaaniire okuwuuja emirembe nʼemirembe, amaite nga timbeya.

Abʼe Galatiya 5:22

Neye oMwoyo oMutukulye aleeta kutaka, nʼeisangaalo, nʼeidembe, nʼokuguminkiriza, nʼekisa, nʼobusa, nʼobwesigwa,

AbʼEfeeso 1:3

Twebalye oKibbumba era oIteeye wa Musengwa waiswe oYesu Kurisito, eyatugabiire nabuli nkabi gyonagyona egyʼomwoyo egizwa omwigulu olwʼokubba ekintu ekimo nʼoKurisito.

Abʼe Firipi 2:9

Nʼolwekyo oKibbumba kiyazwireku nʼamugulumalya eino, nʼamuteeka omwigulu omu kifo ekikirira nakimo okubba ekyʼekitiisya, era nʼamuwa eriina eryʼekitiisya okukiraku amaliina gonagona.

AbʼEbbulaniya 2:11

Nti abo abebasuuca abatukulye nʼoyo abasuuca abatukulye bonabona oitewaabwe niiye omoiza onyere oyo. Kagira oYesu tikimukwatisya nsoni okubeeta aboluganda.

AbʼEbbulaniya 2:9

Wazira ogutubona Yesu, iye oyo ogubakolere nʼabba, okumala akaseera katyayi kati, ngʼabulwaku okwagaagana abamalaika. Era, atyanu niiye ogubatiikiire obugulumali nʼekitiisya olwʼokubba yabitire omu kufa kaisi, olwʼekisa kya Kibbumba, ayezye okufeererera abantu bonabona.

AbʼEbbulaniya 7:26

OYesu niiye ali nʼekikula kya kabona akira obukulu ogutwetaagira nakimo. Nti niiye oMutukulye, atuukiriire era abulaku kyokumunenya. Niiye oKibbumba oguyayawiire okuzwa mwabo abakola ebibbibibbi era oguyaniinirye nʼabitamu eigulu.

1 Peetero 1:3

Kale oKibbumba oIteeye wa Musengwa waiswe oYesu Kurisito bamuwuujenge! Olwʼekisaakye ekinene, atuwaire obubyale obuyaaka omu bwomi obutawaawo, okubita omu kuzuukiza oYesu Kurisito.

1 Yokaana 1:3

Kale tulaabba egimuli ku yoodi ogutwaboineku era ogutwawulisisiryeku, kaisi olwo nywena mwezye okubba nʼenkolagana na iswe nga swena owetuli naiyo nʼoKibbumba iye oItewaiswe aamo naye nago oMwanawe oYesu Kurisito.

Kubiikula 2:15

Otyo era wena oli nʼabasengererya okwegesya kwa Banikolaawo.