AbʼEbbulaniya 1:6 - Bbaibbuli y'oLugwere

⁶ Kaisi tete era, oKibbumba oweyabbaire yatira okusindika oMwanawe omubere oku kyalo, yakobere ati: “Abamalaika ba Kibbumba bonabona bamusinzenge.”

AbʼEbbulaniya 1:6 ပူးပေါင်းရင်းမြစ်များ

EZabbuli 97:7

Bonabona abasinza ebifaananyi, abo abenyumiriza mwebyo ebitali Kibbumba, baswaire. Abakibbumba bonabona bakotamya emitwe okusinza oMusengwa.

Matayo 24:14

Era aMawuliro aMasa agakwata oku bwakabaka bwʼomwigulu, baligalaabba eeri amawanga gonagona, olwo abantu bonabona ni bamanya amazima anambula kyokwekwatisya, kaisi awo enkomerero nʼetuuka.”

Yokaana 1:14

Kale oKibono oyo yasuukire muntu, era yena nʼabba oku kyalo ooti niiswe. Twamuboine omu kitiisyakye, ikyo kidi ekyʼoyo era iye yenkani eyazwire egiri oKibbumba oIteeye, nga iye oKibono aizwire ekisa nʼamazima agakwata oku Kibbumba.

Yokaana 1:18

Era mpaawo abonangaku oKibbumba, okutoolaku oMwanawe omoiza yenkani oYesu, iye oyo aali aamo nʼoKibbumba omu kitiisyakye, era oMwanawe oyo nago niiye eyatumanyikisirye oKibbumba ekyali.

Yokaana 3:16

Ekyo kityo olwʼokubba oKibbumba yatakire ino abantu era nʼawaayo oMwanawe omoiza yenkani, kaisi nabuli muntu amwikiririryamu tiyajigirika, wazira abbe nʼobwomi obutawaawo.

Abʼe Looma 8:29

Ekyo kityo olwʼokubba eira nakimo eedi, iye yamaitiirewo abantube niibo abaliina, nga bakaali nʼokubbaawo. Era, abo nago yabategekeire ati babbe nʼembeera egiri ngʼegyo egya Mwanawe, kaisi olwo oMwanawe iye abbe niiye omubere omu boluganda abangi.

AMateeka 32:43

“Inywe amawanga mujaagaanire aamo nʼabantu ba Musengwa, olwʼokubba yalinyaaŋa omusaaye gwʼabaweereryabe; yalikola okunyaaŋa oku balabebe, yaliwaayo omugaito oku lwʼekyalokye nʼabantu.”

Abʼe Kolose 1:15

OKurisito niiye ogutuboneramu oKibbumba ataboneka, era niiye oMwanawe akira obukulu era afuga ebibbumbe byonabyona.

Abʼe Kolose 1:18

Era ekanisa niigwo omubirigwe, era iye niiye omutwe gwayo. Iye niiye awa abamwikirirya obwomi, omubere omu bazuukira, kagira abba niiye akirira nakimo byonabyona.

AbʼEbbulaniya 1:5

Aale naani oku bamalaika oKibbumba oguyabbaire akobereku ati: “Oli Mwana wange, olwatyanu nnangirira nti ndi Iteewo?” Ooba ati: “Nalibba ninze oIteeye, yena nʼabba Mwana wange?”

AbʼEbbulaniya 10:5

OKurisito ngʼaiza omu kyalo, niikyo ekyagirire nʼakoba oKibbumba ati: “Esadaaka nʼebyo ebibawaayo, tiniibyo omwoyogwo ebigwegombere, neye wantegekeire nze omubiri.

1 Peetero 3:22

Era oYesu nago yaniinire omwigulu, era aliraine oKibbumba oku lubbaalwe olwʼengalo endiiro, era oYesu ngʼafuga abamalaika, nʼebyobwezye era nʼebyʼamaani.

1 Yokaana 4:9

Era engeri oKibbumba egiyalagiremu ngʼowatutaka niiyo eenu eti: Yatumire omu kyalo oMwanawe era oMwanamoiza, kaisi tubbe nʼobwomi obutawaawo olwʼoMwana nago.

Kubiikula 1:5

Era nʼekisa nʼeidembe ebizwa egiri oYesu Kurisito omujulizi oku bikwata oku bintu oKibbumba ebiyakolere. Era omwesigwa, nʼeyasookere bonabona okuzuukira, era afuga abakabaka abʼoku kyalo. OKurisito oyo atutaka era yatutoire omu bibbibibbi byaiswe oweyafiire okulwaiswe,