ABaleevi 5:5 - Bbaibbuli y'oLugwere

⁵ “Omuntu oweyabbenganga omu kintu kyonakyona kwʼebyo, yabbutulanga mulwatu ekibbikibbi ekyakolere.

ABaleevi 5:5 ပူးပေါင်းရင်းမြစ်များ

EZabbuli 32:5

Awo ni nkubbutuliranga ebikole byange ebibbibibbi, era nandi ni njirayo okubisabisanga ebikole byange ebibbibibbi. Ni nkoba nti, “Oleke mbutulire oMusengwa ebikole byange ebibbibibbi.” Era wena nʼonsoniya omusango gwʼebikole byange ebibbibibbi.

ENgero 28:13

Oyo iye abisabisa ebibbibibbibye tasuna enkabi, neye nabuli abibbutula nʼabyenenya, bamukwatira ekisa.

ABaleevi 16:21

Yateekanga engalogye gyombi oku mutwe gwa mbuli oyo, nʼamubbutuliraku obubbibubbi nʼobujeemu bwʼaBaisirairi, ekikoba kiti, ebikole ebibbibibbi byabwe byonabyona omu ngeri eyo nʼabba abiteekere ku mutwe gwa mbuli oyo. Awo yatumanga omuntu omulonde nʼayereekererya ombuli oyo omwidungu.

ABaleevi 26:40

“Neye owebalyenenya ebikole byabwe ebibbibibbi nʼebyʼabazeiza baabwe ababbaire abatali beesigwa era abanjeemeire,

ABaleevi 5:13

Omu ngeri eyo okabona yakolanga omukolo gwʼokusuuca omuntu oyo okubba omulongoole okumutoola omu kibbikibbi kyonakyona ekyabba akolere, ni mmusoniya. Obusye obusigairewo oku sadaaka eyo bwabbanga bwa kabona, ngʼowekiri oku kyokuwaayo ekyʼempeke.”

OKubala 5:7

Era omuntu oyo yaabbanga nʼokubbutula ekibbikibbi ekyo ekyakolere. Era yaabbanga nʼokutoola omugaito omu bwizulye olwʼekibbikibbikye, nʼayongeraku nʼekitundu kimo kyokutaanu kyakyo, nʼabiwa oyo ogwalumirye.

Abʼe Looma 10:10

Iye omuntu asooka kwikiririrya mu Yesu omu mwoyogwe kaisi oKibbumba nʼamubala okubba muntu atuukiriire. Tete era, asooka kubbutula na munwagwe mulwatu ati aikiririrya omu Yesu kaisi nʼalokoka.

Yoswa 7:19

Awo oYoswa nʼakoba Akani ati, “Mwana wange, owe oMusengwa iye oKibbumba wa Isirairi ekitiisya, era omugulumalye. Onkobere ekiwakolere; tiwakimbisabisa.”