ABaleevi 26:6 - Bbaibbuli y'oLugwere

⁶ “Nabawanga emirembe omu kyalo kyanywe, ni mugonanga nga mpaawo ekibatiisya. Era nalimala omu kyalo kyanywe ebisolo ebyʼakabbikabbi, era tikyabbengemu entalo.

ABaleevi 26:6 ပူးပေါင်းရင်းမြစ်များ

EZabbuli 144:14

Oganye ente gyaiswe gibyalagane, nga tigisumula waire okufiisya. Tiwaabbaawo kuvunia bikomera nga mpaawo kwaba mu buwambe, nga mpaawo kukuukulya omu bifo byaiswe.

EZabbuli 147:14

Aleeta eidembe oku nsaloyo nʼamawanga agandi era akuwa ekyokulya ekikira obusa ekikumala.

EZabbuli 29:11

OMusengwa awa abantube amaani, era abawa enkabi nʼeidembe.

EZabbuli 3:5

Nnambaala ni ngona era ni ndamuka, olwʼokubba oMusengwa ankuuma.

EZabbuli 4:8

Nnambaala ni ngona mwidembe, olwʼokubba niiwe wenkani, Musengwa, onkuuma ni mba mwidembe.

EZabbuli 85:8

Oleke mpulisisye oKibbumba iye oMusengwa ekyakoba, olwʼokubba asuubiza abantube eidembe, ibo abatuukiriryebe owebatairayo omu busirusiru bwabwe.

OKuzwa 23:29

Tinalibabbinga bonabona omu mwanka ogumo, kaisi ekyalo tikyalika, era kaisi ebisolo ebyʼomu kigona tibyakubitiriraku obungi.

ENgero 3:24

Owewalambaalanga, tiwatyenge. Owewalambaalanga wagonanga endoolo ni gikuwoomera.

ENgero 6:22

Byakulungamyanga ngʼotambula. Byakukuumanga ngʼogonere, byakulaabbiranga ngʼolamukire.

ABaleevi 25:18

“OMusengwa ni yeeyongera okukoba oMusa ati, ‘Mukwatenge amateeka gange, era mugonderenge ebiragiro byange, kaisi mubbenge nʼemirembe omu kyalo kyanywe.

ABaleevi 25:19

Awo ekyalo ekyo kyabalanga ebibala byakyo, ni musuna ebimulya ebibamala, era ni mukityamamu mirembe.

ABaleevi 26:22

Nabasindiikiranga ebisolo byʼomu kigona ni bibalumba, ni biita abaana baanywe, ni bijigirica ebyayo byanywe, era ni bikendeerya obungi bwanywe, kaisi enguudo gyanywe ni gisigala njereere.

ABaleevi 26:25

Nabaleeteranga entalo olwʼokwesasuza inywe okumenya endagaano yange. Era owemwairukiranga omu bibuga byanywe okwetaasa, nabasindikangamu okawumpuli, ni mbawaayo omu bwezye bwʼabalabe baanywe.

ABaleevi 26:7

Mwalukutyanga abalabe baanywe, ni mubaita nʼempiima.

Yokaana 14:27

Aale atyanu mbalekera eidembe, era mbawa eidembe eryange. Iryo erimbawa tiriwaawo, era tiriri ooti liiryo abantu eribasuna oku kyalo. Nʼolwekyo timweraliikiriranga era timwatyanga olwʼebyabbangawo.”

Bikole 12:6

NgʼoMukolo guwoire, omu kiire ekiceisya olunaku oKerode oluyabbaire yawuluciryaku oPeetero okumusalira omusango, oPeetero yabbaire agonere aakati omu baisirikale babiri. Abo, nabuli moiza babbaire bamusibire olujegere olusibire engalo gya Peetero kunu na kudi, kaisi abakuumi abandi ibo nga bali amulyango bakuumire amabbuusu.

Abʼe Looma 5:1

Aale atyanu ngʼoKibbumba owatusiima lwʼokumwikiririryamu, tuli nʼeidembe omumaisoge okubitira omu Musengwa waiswe oYesu Kurisito.