ABaleevi 26:44 - Bbaibbuli y'oLugwere

⁴⁴ Newankubbaire ngʼebyo byalibba bityo, owebalibba omu kyalo kyʼabalabe baabwe, tinalibalekesula waire okubacaawa okutuuka okubasanyirawo nakimo, nʼokumenyawo endagaano eginakolere nabo. Ninze oMusengwa iye oKibbumba waabwe.

ABaleevi 26:44 ပူးပေါင်းရင်းမြစ်များ

ENtandiika 17:7

Era nalikola endagaano yange ngʼendagaano eyenkalaakalira aakati wange na iwe nʼeibyaireryo eryaliirawo. Yalibba ndagaano eyalikola omu mirembe egyaliirawo, era ngʼekoba eti, ‘Ninze oKibbumbawo era oKibbumba wʼeibyaireryo eryaliirawo.’

EZabbuli 103:13

Ngʼoiteeye wʼabaana owaabba nʼekisa eeri abaanabe, atyo nʼoMusengwa waabba nʼekisa eeri abamutya.

EZabbuli 89:33

Neye tinalirekeraawo okumutaka, waire okuleka okutuukirirya ekinamusuubizire.

EZabbuli 94:14

Ekyo kityo olwʼokubba oMusengwa talekawo abantube; iye talekesula abantube okububwe.

ABaleevi 26:11

Natyamanga mwinywe, era tinalibeesinya.

Abʼe Looma 11:2

OKibbumba abantube, abo abeyalondere eira, tiyabeebbingiireku nakimo. Timumaite eKiwandiike ekitumula okwEriya, oweyasabire oKibbumba ngʼatumula oku Baisirairi Yakobere ati,

Abʼe Looma 11:26

Kaisi awo nʼaBaisirairi bonabona balibalokola, ngʼowebakiwandiikire bati: “Omulokoli yalibbutuka okuzwa omu Sayuuni, yalitoola abaizukulu ba Yaakobbo omu kukola ebitali byʼobwakibbumba kwabwe.

ABalamuzi 2:1

Lumo oMalaika wa Musengwa yazwire e Girugaali nʼaniinaniina nʼayaba e Bbokimu, nʼakoba aBaisirairi ati, “Nabatoire omu kyalo kyʼe Misiri ni mbaleeta omu kyalo ekinasuubizire okuwa abazeiza baanywe. Nakobere nti tinalimenya endagaano yange eginakolere nʼainywe,