ABaleevi 26:4 - Bbaibbuli y'oLugwere

⁴ nabawanga oikendi omu biseera ebituuce, eitakali ni libala ebirime, nʼemisaale egyʼomu misiri ni gibala ebineneka byagyo.

ABaleevi 26:4 ပူးပေါင်းရင်းမြစ်များ

EZabbuli 104:13

Osinzirira omwigulu e gyobba nʼotoonyesya oikendi oku nsozi, ekyalo ni kiizula ebineneka ebyobalya.

EZabbuli 67:6

Ekyalo kibala ebineneka byakyo bingi, oKibbumba, iye oKibbumba waiswe atuwaire enkabi.

EZabbuli 67:7

OKibbumba atuwaire enkabi, oleke abantu omu kyalo kyonakyona bamuwenge ekitiisya.

EZabbuli 68:9

Oo Kibbumba, watoonyeserye oikendi mungi oku kyalo, nʼoiryamu obujimu ekyalokyo okububwo ekyabbaire kinafuwire.

EZabbuli 85:12

Dala oMusengwa yatuwa ebisa, era ekyalo kyaiswe kyabbaamu amakungula mangi.

EZabbuli 85:13

Obutuukirirye bwamwebbembera, ni bumwewulirya enzira.

ABaleevi 25:19

Awo ekyalo ekyo kyabalanga ebibala byakyo, ni musuna ebimulya ebibamala, era ni mukityamamu mirembe.

ABaleevi 25:21

Omu mwanka ogwomukaaga nabawanga enkabi, ekyalo ni kibala ebyokulya ebyamalanga emyanka misatu.

Matayo 5:45

Era owemwakolanga mutyo mwabbanga mulagire muti muli baana ba Itewaanywe aali omwigulu. Ekyo kityo olwʼokubba ayakisya eisana eeri abakola ebisa nʼabakola ebibbibibbi, era atonyesya oikendi eeri abatuukirirye nʼabatali batuukirirye.

Bikole 14:17

Neye aate era, tiyalekanga okubeeragisya. Yakolanga bulijo ebintu ebisa ebiraga ngʼowaaliyo, era ngʼowaakaali akikola paka atyanu. Abatoonyeserya oikendi, nʼabawa nʼamakungula amasa buli mwanka. Asiimisya emyoyo gyanywe ngʼabawa ebyokulya era nʼeisangaalo.”

AMateeka 11:13

“Kale singa mwagonderanga amateeka ganu agembawa olwatyanu, ekikoba kiti, okutakanga oMusengwa iye oKibbumba waanywe, nʼokumuweereryanga nʼemyoyo gyanywe gyonagyona nʼobwomi bwanywe bwonabwona,

AMateeka 11:14

olwo yatoonyesyanga oikendi omu kyalo kyanywe omu biseera byayo ebya mwiro nʼebya musambya, mwezyenge okukungulanga engaano gyanywe nʼokusuna enviinyo gyanywe nʼamafuta gaanywe agʼemizaituuni.

AMateeka 28:12

OMusengwa yabaigulirangawo esitoowaye eyʼebisa, eigulu ni litoonyesyanga omu kyalo kyanywe oikendi omu biseera byayo, era yabawanga enkabi mu byonabyona ebimwakolanga. Mwakoopanga amawanga mangi, neye inywe timwekoopenge.

Yaakobbo 5:7

Aale inywe boluganda, newankubbaire nga bali kubagadya, muguminkirizenge paka oMusengwa oweyaliirira. Timubonera oku mulimi ngʼowaakola? Akuumirira paka oweyalisuna oikendi asooka nʼoyo omusambya, ngʼaguminkiriza omusirigwe okuneneka ebineneka ebyʼomugaso.

Kubiikula 11:6

Abo bali nʼobwezye okusiba ebintu ebiri omwibbanga, oikendi nʼatatoonya omu kiseera ekibalaabbiramu abantu ekibono kya Kibbumba. Era bali nʼobwezye oku maizi, okugasuuca omusaaye. Bali nʼobwezye okuleeta oku kyalo ebirulumo ebya buli ngeri buli lubatakiire.