ABaleevi 26:16 - Bbaibbuli y'oLugwere

¹⁶ awo nalibakola binu: Nalibakola ebizizi, ekikoba kiti, nalibaleetaku obulwaire obutalama nʼomusuuja ogwaliboofuwalya, ni guleetera obwomi bwanywe okusebengerera. Mwateganiranga bwereere okukoma ebirime, olwʼokubba abalabe baanywe niibo ababiryanga.

ABaleevi 26:16 ပူးပေါင်းရင်းမြစ်များ

EZabbuli 109:6

Omuteekeku omuntu omubbimubbi amulamule, oleke omulabewe niiye abbe amulumirize.

EZabbuli 73:19

Bajigirikirawo, bafeera mu nsisi ni baweerawo nakimo.

EZabbuli 78:33

Kale nʼakomya obwomi bwabwe ooti mwota ogubayeera, nʼamalawo obwomi bwabwe mu kirulumo kyʼekibbwatukira.

OKuzwa 15:26

Era oKibbumba yakobere ati, “Owemwawulisisyanga eigono lyange nze oMusengwa iye oKibbumba waanywe nʼokwekeenenya, ni mukola ebituuce omumaiso gange, era owemwakwatanga aMateeka gange, ni mugonderanga nʼebiragiro byange byonabyona, tinalibateekaku endwaire eginateekere oku Bamisiri. Ekyo kityo olwʼokubba Ninze oMusengwa abalamya inywe endwaire.”

ENgero 3:33

Ekiraami kya Musengwa kibba oku maka gʼababbibabbi, neye agʼabatuukirirye agawa enkabi.

AMateeka 28:51

Balirya abaana bʼebyayo byanywe, nʼebirime byʼokwitakali lyanywe paka owemwalijigirika. Era abantu abo tibalibalekerawo engaano, nʼenviinyo, nʼamafuta gʼemizaituuni, waire ente nʼentaama nʼembuli, paka owebyalibazweraku okujigirika.

AMateeka 32:25

Obwiti omu nguudo bwalibaleka nga babula baana; omu bisito byabwe mwalibbaamu ntiisya njereere. Abaisuka nʼabaala balijigirika, nʼabaana abonka nʼabakaire abʼenvi balijigirika.

AbʼEbbulaniya 10:31

Kyʼentiisya ino oKibbumba onanyere obwomi okukusalira omusango!

ABalamuzi 6:11

Atyanu oMalaika wa Musengwa nʼaiza omwOfula nʼatyama omu muvule gwa Yowaasi owʼekika kyʼAbbiyezeeri. OGidyoni omutaane wa Yowaasi nago yabbaire ngʼali kwiga ngaano omu kikunyiro kyʼemizabbibbu, mu mbiso nga tataka aBamidiyaani bamanye.

1 Samwiri 2:33

Neye omuntu owʼomu nyumbayo, ogunalirekawo okuweereryanga oku kyoto kyange, yalisigalawo kubakunja mangi, nʼokunakuwalya myoyo gyanywe. Nʼabaana bonabona abʼeibyaireryo, bafeeranga mu mavuvuka.’ ”