ABaleevi 26:14 - Bbaibbuli y'oLugwere

¹⁴ “Neye singa timwampulisisyenge, nandi mugondera ebiragiro byange ebyo byonabyona,

ABaleevi 26:14 ပူးပေါင်းရင်းမြစ်များ

EZabbuli 81:12

Kale zena ni mbawaayo eeri obukakanyali bwʼemyoyo gyabwe, bakole ekibabona bati niikyo ekituuce.

ENgero 3:33

Ekiraami kya Musengwa kibba oku maka gʼababbibabbi, neye agʼabatuukirirye agawa enkabi.

ABaleevi 26:18

“Singa ebyo byonabyona byabatuukangaku, era nandi ni mungondera, nʼakubbisyangamu ekibonerezo kyanywe emirundi musanvu olwʼebikole byanywe ebibbibibbi.

Bikole 3:23

Oyo yenayena atawulisisya onaabbi oyo, oKibbumba yalimutooleramu nakimo nandi nabba omuntu owuwe, era nʼamujigirica.’

AbʼEbbulaniya 12:25

Mwekuume, timwagaana okuteekayo omwoyo okuwulisisya oKibbumba ebyabakoba. ABaisirairi eira bagaine okuwulisisya oMusa oweyabalabwire ngʼali oku kyalo, era oKibbumba tiyalekere okubabonereza. Nʼolwekyo iswe owetugaana okuwulisisya iye onyere atulabula ngʼali omwigulu, mpaawo wetwaliramira okutubonereza.

Yoswa 23:15

Neye ngʼowaatuukiriirye nabuli kisa ekiyabasuubizire, atyo oMusengwa iye oKibbumba waanywe weyalibatuucaaku nabuli bubbibubbi obuyabakobeireku, paka oweyalibamalirawo nakimo omu kyalo kinu ekisa ekiyabawaire.

ABalamuzi 2:15

Nabuli owebaabanga omu lutalo, ngʼoMusengwa ababonereza ngʼoweyabbaire abalayiriire. Ni babba omu mbeera engosi!

1 Samwiri 12:15

Neye owemwagaananga okugondera oMusengwa, era ni mujeemeranga ebiragirobye, yababonerezanga ngʼoweyabonerezanga eira abazeiza baanywe.”