ABaleevi 24:2 - Bbaibbuli y'oLugwere

² “Olagire aBaisirairi bakuleetere amafuta amasa eino agʼemizaituuni ni bakengeiza nakusani, agʼokwakisyanga kaisi amataala gʼomu Weema yange gaakenge nabuli kiseera nga tigalikira.

ABaleevi 24:2 ပူးပေါင်းရင်းမြစ်များ

EZabbuli 119:105

Ekibonokyo niikyo eitaala erimmoleekerera nga ntambula, era ekitangaala omu nzira yange.

EZabbuli 119:130

Ebibonobyo owebabisonzola, biwa ekitangaala, biwa amalabuki abo abagadamba.

OKuzwa 39:37

nʼekikondo kyʼamataala ekyʼezaabbu ennongoole, nʼamataala gaaku, nʼebintu byaku byonabyona, era nʼamafuta gʼokwakisya;

OKuzwa 40:24

Era nʼateeka ekikondo kyʼamataala omu Weema eyo oku lubba lwʼe maserengeta wʼeWeema eyo nga kiringirirangaine nʼemenza.

ENgero 6:23

Ekyo kityo olwʼokubba ebiragiro ebyo, itaala, okwegesya okwo, kitangaala, era bigolola abantu, niibyo enzira eyaba omu bwomi.

ABaleevi 24:1

OMusengwa ni yeeyongera okukoba oMusa ati,

ABaleevi 24:3

E nza wʼolutimbe olukingulya eSanduuku eyʼeNdagaano omu Weema eyʼoKunsisinkanirangamu nze oMusengwa, Alooni yakwatisyanga amataala ago ni gaakiranga aawo omumaiso gange okuzwa eigulo paka makeezi. Eiteeka eryo, aBaisirairi nʼabʼemirembe gyonagyona egyaliirawo balikwatanga.

Matayo 4:16

Abantu abali omu ndikiirya baboine ekitangaala ekyʼamaani. Era nʼabafu omu myoyo, ekitangaala kibaakiire.”

Matayo 5:16

Kale omu ngeri enanyere eyo, ekitangaala kyanywe kyakenge kityo omu bantu, kaisi babone ebikole byanywe ebisa, era olwʼebyo bawuujanga oItewaanywe aali omwigulu.”

Luuka 1:79

nʼayakira abo abali omu bwomi bwʼekibbikibbi nʼomu kiiriirye ekyokufa kwʼomu mwoyo, era nʼokulungamya ebigere byaiswe omu nzira eyʼeidembe.”

Luuka 12:35

“Mubbe bantu abeetegeki okuweererya, nga mwefungiziire nakimo era nʼamataala gaanywe nga gaaka.

Yokaana 1:4

Iye oKibono nago niiye onanzwa wʼobwomi, era iye kitangaala ekimolekera abantu okumanya oKibbumba ekyali era ekyataka bakole.

Yokaana 1:9

Iye oyo eyabbaire ali kwiza oku kyalo niiye ekitangaala ekituuce ekimolekera buli muntu.

Yokaana 5:35

Ibwo obukwenda oYokaana obuyabaleeteire bwabbaire ooti itaala eryaka okubamolekera era bwabazwereiremu okubba basangaali okumalaku kaseera-buseera.

Yokaana 8:12

OYesu tete oweyabbaire atumula nʼabantu, yabakobere ati, “Ninze ekitangaala ekimolekera abantu. Era buli ansengererya tatambulirenge omu ndikiirya, wazira namulungamyanga omu nzira ereeta obwomi.”

Bikole 26:18

okubatuucaaku obukwenda bwa Kibbumba obwabalibulya amaiso bubatoole omu ndikiirya yʼekibbikibbi baire omu kitangaala bakole ebyobutuuce. Ekikoba kiti, bazwe omwifuge lya Sitaani baire eeri oKibbumba, kaisi basune okubasoniya ebibbibibbi byabwe oteekeku nʼokusuna nʼomugabo aamo nʼabenatukwirye olwʼokunjikiririryamu.’ ”

2 Abʼe Kolinso 4:6

Ekyo kityo olwʼokubba oKibbumba eyalagiire ati, “Oleke ekitangaala kyake omu ndikiirya,” atyanu niiye ayakisya ekitangaala omu myoyo gyaiswe, olwʼokuleetera abantu okumanya bati ekitiisyakye kibonekera mu Yesu Kurisito.