ABaleevi 22:18 - Bbaibbuli y'oLugwere

¹⁸ “Okobere Alooni nʼabataanebe, nʼaBaisirairi bonabona oti, ‘Singa oMwisirairi yenayena, ooba omunamawanga atyama omu kyalo kyʼe Isirairi, yaleetanga eeri nze oMusengwa esadaaka egibooca yonayona, okutuukirirya obweyamo, ooba ekyokuwaayo omu kwetakira,

ABaleevi 22:18 ပူးပေါင်းရင်းမြစ်များ

EZabbuli 116:14

Natuukiriryanga obweyamo bwange eeri oMusengwa, omumaiso gʼabantube bonabona.

EZabbuli 116:18

Natuukiriryanga obweyamo bwange eeri oMusengwa, omumaiso gʼabantube bonabona,

EZabbuli 22:25

Nakuwuujanga omu nkumbaana enene. Natuukiriryanga obweyamo bwange egyoli, omumaiso gʼabo abakutya.

EZabbuli 56:12

Oo Kibbumba, ndi nʼokutuukirirya obweyamo bwange. Naliwaayo egyoli esadaaka eyʼokwebalya.

EZabbuli 61:5

Oo Kibbumba, owuliire obweyamo bwange, era ompaire ebyobusika ebyogabira abakutya.

EZabbuli 61:8

Kale nayembanga okukuwuuja emirembe gyonagyona, nga wentuukirirya obweyamo bwange nabuli lunaku.

EZabbuli 65:1

Oo Kibbumba, osaanira okukuwuujanga omu Sayuuni era twatuukiriryanga obweyamo bwaiswe egyoli.

EZabbuli 66:13

Naleetanga omu nyumbayo esadaaka egibooca yonayona. Natuukiriryanga obweyamo bwange egyoli;

OKuzwa 12:5

Muli nʼokusuna ntaama omusaiza ooba mbuli ompanya, neye ateekwa okubba wʼomwanka gumo, era ngʼabulaku obuleme.

ABaleevi 1:10

“Singa ekyokuwaayokye ekyʼesadaaka egibooca yonayona, kyabbanga ntaama ooba mbuli, yatoolanga omu kisibokye ntaama omusaiza, ooba mbuli ompanya abulaku obuleme.

ABaleevi 1:2

“Otumule nʼaBaisirairi ngʼobakoba oti, omuntu yenayena kwinywe oweyaleetanga ekyokuwaayo eeri nze oMusengwa nga kyayo, akireetenge ngʼakitoola mu kiraalokye ooba mu kisibokye ekyʼentaama ooba ekyʼembuli.

ABaleevi 17:10

“ ‘OMwisirairi yenayena, ooba omunamawanga yenayena atyama mwinywe eyaalyanga omusaaye, ekikoba kiti, omuntu oyo eyaalyanga omusaaye, namukubbiranga mugongo era tinamubalirenge omu bantu bange.

ABaleevi 17:13

“ ‘Omwisirairi yenayena, ooba omunamawanga atyama omu Baisirairi, eyayiiganga okisolo ooba onyonyi ogubaikirirya okulya, yakenenulangamu omusaaye, nʼaguliikaku eitakali,

ABaleevi 22:17

OMusengwa ni yeeyongera okukoba oMusa ati,

ABaleevi 23:38

Ebyokuwaayo ebyo byeyongereryanga ku biidi ebyʼeSaabbaato yange nze oMusengwa, era nʼoku birabo byanywe, nʼebyo byonabyona ebimwabbanga mweyamire, nʼebyokuwaayo omu kwetakira byonabyona ebimwampanga nze oMusengwa.’

ABaleevi 7:16

“Neye singa omuntu yaawangayo ekyokuwaayo olwʼokutuukirirya bweyamo, ooba nga kyokuwaayo omu kwetakira, enyama bagiryanga ku lunaku olwo olwakiweereireyo, neye eyasigalangawo bayinzanga okugirya izo waaku.

Yona 1:16

Olwʼekyo abasaiza abo ni batya ino oMusengwa era ni bawaayo esadaaka eeri oMusengwa era ni beeyama okumuweereryanga.

Yona 2:9

Neye nze, Musengwa, nakwebalyanga omu lwembo ni nkuwa nʼesadaaka. Era ebineeyamanga nabituukiriryanga. Obununuli buzwa eeri niiwe Musengwa.”

OKubala 15:3

mwawangayo eeri Nze oMusengwa ebyokuwaayo ebibooca ni bizwamu oluvululu olunsangaalya, nga mubitoola omu biraalo byʼente gyanywe ooba omu byʼentaama nʼembuli gyanywe, ooba sadaaka egibooca yonayona ooba sadaaka egindi gyonagyona okutuukirirya obweyamo, ooba ebyokuwaayo omu kwetakira, ooba ebyʼomukolo ogwʼokuwaayo egyendi.

Bikole 18:18

OPawulo nʼamala omu Kolinso enaku egyera. Oluzwanyuma, nʼaseebula aboluganda, nʼaserengeta oku mwalo e Kenkereya, oPulisikira nʼAkwira ngʼabamwerekaku, egiyabbaire nʼokuniina omu lyato baabe e Siiriya. Ngʼali omu Kenkereya kaisi baize baniinenge omu lyato, yamweireku enziirigye olwʼekyeyamo ekiyabbaire akolere okulaga ati atyanu akituukiriirye.

AMateeka 12:17

Nabuli kimuwaayo eeri oMusengwa, timwakiryanga nga muli eeyo e gimubba; timwalyanga waire ekimo kyʼeikumi kyʼebibala byanywe ebyʼempeke, ooba enviinyo gyanywe, ooba mafuta gaanywe agʼemizaituuni, newankubbaire ente nʼentaama nʼembuli gyanywe embere, ooba birabo ebimweyama okuwa oMusengwa, waire ebyokuwaayo omu kwetakira, ooba ebibawaayo ebindi byonabyona.

AMateeka 12:6

eeyo gimwatwalanga esadaaka gyanywe egibooca yonayona, nʼesadaaka gyanywe, nʼebimo byʼeikumi ebimuwaayo, nʼebirabo ebindi ebimwabbanga mweyamire okuwaayo, nʼebyokuwaayo omu kwetakira, ente nʼentaama gyanywe embere.

AMateeka 16:10

kaisi ni mukola oMukolo ogwʼaMakungula, okuwa oMusengwa iye oKibbumba waanywe ekitiisya, nga mumutwalira ekyokuwaayo omu kwetakira okusinzirira oku nkabi oMusengwa iye oKibbumba waanywe egyabawaire.