ABaleevi 19:3 - Bbaibbuli y'oLugwere

³ “ ‘Nabuli moiza kwinywe ali nʼokuwanga omaaye nʼoiteeye ekitiisya, era ali nʼokukuumanga eSaabbaato yange. Ninze oMusengwa iye oKibbumba waanywe.

ABaleevi 19:3 ပူးပေါင်းရင်းမြစ်များ

ENtandiika 48:12

OYusufu nʼabatoola omu bigere bya Isirairi, era nʼafuunama nʼaica empumi ansi okwitakali okumuwa ekitiisya.

OKuzwa 16:29

Mukimanye muti, Nze oMusengwa, mbawaire eSaabbaato, kagira mbawa oku lunaku lwomukaaga, ekyokulya ekibamalisyaku enaku ibiri. Nabuli muntu oku lunaku lwomusanvu ali nʼokusigala mu kisito egyabba era tazwangawo.

OKuzwa 20:12

“Oiteewo nʼomaawo obawenge ekitiisya, kaisi owangaale ino omu kyalo Nze oMusengwa iye oKibbumbawo ekinkuwa.”

OKuzwa 20:8

“Oyebukirye okukuumanga olunaku lwʼeSaabbaato okubba lutukulye.

OKuzwa 21:15

“Nabuli eyakubbanga oiteeye ooba omaaye, bamwitanga.

OKuzwa 21:17

“Nabuli eyajooganga oiteeye ooba omaaye, yena bamwitanga.

ENgero 1:8

Mwana wange, owulisisyenge okulungamya kwa iteewo, era tiwalekanga okulaabbira kwa maawo,

ENgero 23:22

Owulisisyenge oiteewo eyakubyaire; era tiwanyoomanga omaawo ngʼakairiire.

ENgero 30:11

“Waliwo abatumula ebisongolye oku baitewaabwe, era nga tibasabira abamawaabwe enkabi;

ENgero 30:17

“Amaiso gʼoyo anyooma oiteeye, era oyo agaana okuwulira omaaye, ebinankololo byʼomu kiinamo byaligatoolamu, era ensega ni gigalya.”

ABaleevi 11:44

Ninze oMusengwa iye oKibbumba waanywe, mwetukulye mubbe batukulye olwʼokubba Nze ndi mutukulye. Timwesuucanga abatali balongoole olwʼokulya ekibbumbe kyonakyona ekisamanta okwitakali.

ABaleevi 19:25

Neye omu mwanka ogwokutaanu, mwayezyanga okulya oku bineneka byagyo. Owemwalituukirirya ebintu ebyo, amakungula gaanywe galyeyongeranga ni gabba mangi. Ninze oMusengwa iye oKibbumba waanywe.’

ABaleevi 19:30

“ ‘Muli nʼokukuumanga eSaabbaato yange, era muwenge eWeema yange ekitiisya. Ninze oMusengwa.’

ABaleevi 19:31

“ ‘Timwabanga okwebuulyaku abafumu, waire abalaguli, olwʼokubba babaleetera okwonoonoka. Ninze oMusengwa iye oKibbumba waanywe.’

ABaleevi 19:34

Omunamawanga atyama na inywe omu kyalo kyanywe mumubityenge ngʼomubyalwa wʼomu kyalo kyanywe. Mumutakenge ngʼowemwetaka abananyere, olwʼokubba nywena mwabbaire banamawanga omu kyalo kyʼe Misiri. Ninze oMusengwa iye oKibbumba waanywe.’

ABaleevi 23:3

“Enaku giri mukaaga egimwakolerangamu emirimo, neye olunaku olwomusanvu, niiyo eSaabbaato irwo olunaku lwa kuwuumula, era olunaku lwʼokukumbaaniraku okunsinza. Timwakolanga omulimo gwonagwona; nabuli e gimwabbanga abatyami, era yaabbanga Saabbaato yʼokumperaku nze oMusengwa kitiisya.

ABaleevi 26:2

Muli nʼokukuumanga eSaabbaato yange, era muwenge eWeema yange ekitiisya. Ninze oMusengwa.

AMateeka 27:16

“ ‘Nabuli ayanyoomanga oiteeye ooba omaaye, yasunanga ekiraami.’ ” “Awo abantu bonabona ni bairamu bati, ‘Amiina.’ ”

AMateeka 5:16

“ ‘Oiteewo nʼomaawo obawenge ekitiisya, nga Nze oMusengwa iye oKibbumbawo owenkulagira, kaisi owangaale era obbe kusani omu kyalo ekinkuwa.’ ”

AbʼEbbulaniya 12:9

Nʼekindi, twabbaire nʼabaitewaiswe omu mubiri, abatugololanga, era ni tubawanga ekitiisya olwʼokukola ekyo. Kaisi atyanu titwasingisyewo ino okugondera oItewaiswe omu mwoyo, ni tusigalya obwomi obutawaawo?