ABaleevi 18:16 - Bbaibbuli y'oLugwere

¹⁶ Tiweegaitanga nʼomuka mugandawo; ekyo kyemula omugandawo.

ABaleevi 18:16 ပူးပေါင်းရင်းမြစ်များ

ABaleevi 20:21

Singa omusaiza yafumbirwanga omuka mugandawe, ekyo kyabbanga kikole kyʼobutali bulongoole, yaabbanga ayemwire omugandawe. Era balifa nga babula baana.

Matayo 22:24

Awo ni bamubuulya bati, “Musomesya, oMusa yatukobere ati singa omuntu owaafa nga tabyaireku omwana, omuganda wʼomufu ali nʼokufumbirwa onamwandu oyo, kaisi babyalire omufu nago abaana.

Maako 12:19

“Musomesya, oMusa yatuwandiikiire ekiragiro ekiti, omuntu owaafa nʼaleka onamwandu, neye nga tabyaireku omwana, omuganda wʼomufu ali nʼokufumbirwa onamwandu oyo, era abyalire omugandawe abaana.

Maako 6:17

OYokaana oMubatizi yabbaire adeebere oKerode ngʼamukoba ati, “Amateeka tigaikirirya iwe okutwala oKerodiya omuka mugandawo oFiripo, nʼomusuuca mukaliwo. Ekyo kyagirire oKerodiya nʼakoolesya oYokaana, ngʼataka nʼokumwita, neye ngʼabula ngeri.” Ekiseera kyatuukire oKerode nʼalagira ati, oYokaana bamukwate era bamwigalire omu mabbuusu, okusangaalya oKerodiya, okabaka oKerode oguyabbaire abandwire oku mugandawe.

Luuka 3:19

Era nʼanenya omufugi oKerode, olwʼokutwala oKerodiya omuka mugandawe, nʼolwʼebibbibibbi ebindi byonabyona ebiyakolanga.

AMateeka 25:5

Awo oMusa ni yeeyongera ati, “Abasaiza aboluganda owebaabbanga batyama okwitakali limo eryʼekisito, omoiza waaku nʼafa nga tabyaire omwana omwisuka, onamwandu oyo tafumbirwanga omusaiza ogondi nga timuganda wʼomufu. Omuganda wʼomufu yasikanga onamwandu oyo, nʼatuukirirya obuvunaanyizibwabwe eeri omwiziwe onamwandu oyo.