ABalamuzi 9:57 - Bbaibbuli y'oLugwere

⁵⁷ OKibbumba era nʼabonereza abantu bʼomu Sekemu olwʼebikole byabwe ebibbibibbi. Ekiraami kya Yosamu omutaane wa Yerubba Bbaali ekiyabalaamire ni kituukirira.

ABalamuzi 9:57 ပူးပေါင်းရင်းမြစ်များ

2 Samwiri 3:39

Newankubbaire nga bansukireku amafuta okubba kabaka, olwatyanu ndi munafu olwʼabataane ba Zeruyiya banu ababitiriire okubba bakakanyali egyendi. Nsaba oMusengwa asasule omukoli wʼekibbikibbi ngʼobubbibubbibwe obwebuli.”

EZabbuli 7:17

Neebalyanga oMusengwa olwa bwenkanyabwe, era nayembanga okuwuuja oMusengwa oNambulaku aMwagaagana.

EZabbuli 94:23

Yalibabonereza olwʼebibbibibbi byabwe, nʼabajigirica olwʼobubbibubbi bwabwe. OMusengwa iye oKibbumba waiswe yalibajigirica.

ENgero 5:22

Ebibbibibbi byʼomuntu omubbimubbi bimusuukira mutego, ebibbibibbibye ebyakola bimusuukira ooti miguwa egimusiba.

Yoswa 6:26

Ekiseera ekyo oYoswa nʼakola okulabula kunu ati, “Nabuli agezyaku okwombeka obuyaaka ekibuga kinu oYeriko, asunanga ekiraami kinu okuzwa eeri oMusengwa: Oyo akyombeka omusingi, afiisyanga omwanawe omubere. Nabuli akiteekamu amageeti, afiisyanga omwanawe onankoma.”

ABalamuzi 1:7

Awo Adoni Bbezeki nʼakoba ati, “Abakabaka ensanvu abenatemereku ebinkumu nʼennwe enene, bakumbaanianga obukunkumukira ansi wʼemenza yange. Atyanu oKibbumba ansaswire kiikyo zena ekinabakolere.” Ni bamutwala e Yerusaalemi, era eeyo giyafeereire.

ABalamuzi 10:1

Abbimereki oweyafiire, ni wabbaawo oTola omutaane wa Puwa era omwizukulu wa Dodo, nʼanunula oIsirairi. Yabbaire wʼekika kya Isakaali, nga mutyami wʼomu kibuga Syamiri omu kyalo kyʼEfulaimu ekyʼensozisozi.

ABalamuzi 9:20

Neye obwekibba nga tiniikyo obwekiri, oleke omusyo guzwe omwAbbimereki gwoce gumalewo abatyami bʼomu Sekemu nʼabʼe Bbesi Miiro, era oleke omusyo guzwe mwinywe abatyami bʼomu Sekemu nʼabʼe Bbesi Miiro, gwoce gumalewo Abbimereki.”

ABalamuzi 9:24

Ekyo kyabbairewo kaisi omusango ogubavunaanire abataane ba Yerubba Bbaali 70 era ni babaita, basasule omuganda waabwe Abbimereki nʼabatyami bʼe Sekemu abamuwagiire okwita abagandabe abo.

ABalamuzi 9:45

Abbimereki nʼairugalya olunaku olwo ngʼalwanisya ekibuga, nʼakiwamba, era nʼaita abantu baamu. Awo nʼajigirica ekibuga ekyo, nʼamansira ocumbi okuwoisya kyonakyona ngʼakamanyiciryo kʼokukiraama.

ABalamuzi 9:56

OKibbumba atyo niiye oweyasaswiremu Abbimereki olwʼekikole ekibbikibbi ekiyakolere oiteeye oweyaitire abagandabe 70.