ABalamuzi 9:54 - Bbaibbuli y'oLugwere

⁵⁴ Abbimereki nʼayeta mangu omwisuka eyamukwatiranga ebyokulwanisya, nʼamulagira ati, “Osowoleyo empiimayo onjite, abantu tibantumulaku bati omukali niiye anjitire.” Kale omwisuka oyo nʼamusumuta nʼafa.

ABalamuzi 9:54 ပူးပေါင်းရင်းမြစ်များ

2 Samwiri 1:10

“Awo ni njaba e gyali ni mmwita, olwʼokubba nategereire nakimo nti oweyaagwa tiyasigale nga mwomi. Ni mmutoolaku engule oku mutwe nʼomukobyo gwa bbulonzi oku ngalo, era musengwa mbinu mbireetere egyoli.”

2 Samwiri 1:7

Awo oweyacuukire nʼambona, nʼanjeta, ni njetuka nti, waitu.”

2 Samwiri 1:9

Kaisi nʼankoba ati, “Nkusaba oize aanu onjite. Ndi omu bulumi wʼamaani newankubbaire nga nkaali mwomi.”

2 Samwiri 23:37

nʼoZereki oMwamoni, nʼoNakalayi owʼomu kibuga oBbeerosi eyakwatanga ebyʼokulwanisya bya Yowaabbu omutaane wa Zeruyiya;

ABalamuzi 4:9

ODebola nʼairamu ati, “Dala nʼayaba na iwe. Neye ekitiisya ekyʼokuwangula tikyabbe kikyo, olwʼokubba oMusengwa ayaba okuwaayo oSisera eeri mukali.” Kale oDebola nʼayaba nʼoBbalaki e Kedesi.

ABalamuzi 9:55

ABaisirairi owebaboine ngʼAbbimereki afiire, bonabona ni bakanga e waabwe.

1 Samwiri 14:12

Abalwani ababbaire omu nkambi ni baasyamikira oYonasani nʼomukwati wʼebyokulwanisyabye bati, “Mwize eenu e gituli kaisi tubalage enkola.” OYonasani nʼakoba omukwati wʼebyokulwanisyabye ati, “Oize onsengererye tuniinaniineyo, olwʼokubba oMusengwa abawaireyo omu bwezye bwaiswe aBaisirairi.”

1 Samwiri 14:13

Awo oYonasani nʼaniinaniina ngʼakwetuka-bukwetuki, nʼomukwati wʼebyokulwanisyabye ngʼamusenjaaku. OYonasani nʼayaba ngʼaita aBafirisuuti, nʼomukwati wʼebyokulwanisyabye, ngʼamuzwaku e nyuma yena ngʼaita abandi.

1 Samwiri 14:14

Omu bulumbagani obwo obwasookere, oYonasani nʼomukwati wʼebyokulwanisyabye ni baita abalwani ooti aabiri, omu kifo ekyerya ooti kimo kyokubiri ekyʼeyinka.

1 Samwiri 14:17

Kale oSawulo nʼakoba abalwanibe abeyabbaire nabo aawo ati, “Mubale abantu, mubone abulawo.” Owebabalire, bayajiirye ngʼoYonasani nʼomukwati wʼebyokulwanisyabye nga niibo ababulawo.

1 Samwiri 14:7

Eyamukwatiranga ebyokulwanisyabye nʼamukoba ati, “Okole ekikuli oku mwoyo. Oyabe omumaiso, nze nʼomwoyo gwange gwonagwona ndi aamo na iwe.”

1 Samwiri 16:21

ODawudi nʼayaba e wa Sawulo, nʼatandiika okumuweererya. OSawulo nʼamutaka ino, era nʼamulonda amukwatirenge ebyokulwanisyabye.

1 Samwiri 31:6

Atyo oSawulo nʼabataanebe abasatu, nʼomuvuvuka eyamukwatiranga ebyokulwanisyabye, era nʼabalwanibe bonabona ni bafeera ku lunaku lumo olwo.