ABalamuzi 8:3 - Bbaibbuli y'oLugwere

³ OKibbumba abawaire inywe okuwangula abaduumiri bʼaBamidiyaani, Olebbu nʼoZeebbu. Nze-so njezyerye kukolaku niki okugeraagerania nʼekyo ekimukolere?” Oweyamalire okutumula ebyo, ni baikaikana obusungu.

ABalamuzi 8:3 ပူးပေါင်းရင်းမြစ်များ

EZabbuli 115:1

Oo Musengwa, iswe titusaanira ekitiisya, iswe titukisaanira, wazira niiwe okisaanira, olwʼokutakakwo okutakoma nʼobwesigwabwo.

EZabbuli 44:3

Abazeiza baiswe tibawangwire ekyalo ekyo nga bakolesya mpiima gyabwe, era tibasunire obuwanguli nga bakolesya maani gaabwe, neye gabbaire maanigo nʼobwezyebwo, era waabbanga nabo olwʼokubba wabbaire obasiima.

ENgero 15:1

Okwiramu nʼeigonda kwikaikania ekiruyi, neye ebibono ebyʼeikayu, byongera busungu.

ENgero 16:32

Kisa okubba muntu alwawo okusunguwala okukiraku okubba owʼentalo, era okubba ngʼofuga obusungubwo, okukiraku oyo iye afuga ekibuga.

ENgero 25:11

Ekibono ekisa ekibatumula omu kaseera akatuuce, kisangaalya ooti kifaananyi kyʼomupeera ekibakolere omu zaabbu ni bakiteeka omu kibya ekyʼefeeza.

ENgero 25:15

Okuguminkiriza, kwikirizisya omufugi; nʼolulumi olwʼeiwooyo, lugondya owʼobwezye.

Yokaana 4:37

Era omu ngeri eyo entumula eenu ntuuce ekoba eti, ‘Ogondi asiga, era ogondi nʼakungula.’

Abʼe Looma 12:3

Olwʼobuweererya oKibbumba obuyampaire olwʼekisaakye, nkoba buli moiza kwinywe nti tasaaniire kwetwala ngʼomuntu owʼangulu eino. Wazira yeeseegengeku mu ngeri esaanira, era yeerolecenge okusinzirira oku kipimo kyʼokwikirirya, oKibbumba okuyamuwaire.

Abʼe Looma 12:6

Atyanu buli moiza aali nʼekirabo kyʼomwoyo ekyʼenjawulo okusinzirira oku kisa oKibbumba ekiyatukwatiire. Owekibba kiti omuntu aali nʼekirabo ekyʼokuwanga bunaabbi, akikolenge okusinzirira ngʼokwikiriryakwe egikikoma.

Abʼe Firipi 2:3

Timwakolanga ekintu kyonakyona olwʼengongi ooba omu malala, neye mukolenge mu buwombeeki nga muwa abanaanywe ekitiisya ekikiraku ekyo inywe abanyere ekimwewa.

ABalamuzi 8:2

Iye nʼabakoba ati, “Ekinakolere kinambulamu singa okigeraagerania nʼekyo inywe ekimukolere. Inywe abʼolulyo lwʼEfulaimu ekimukolere kikirira nakimo ekyo iswe abʼolulyo lwʼaBabbiyezeeri ekitukolere.

ABalamuzi 8:4

Awo oGidyoni nʼabalwanibe badi 300 ni batuuka oku mwiga oYoludaani, ni bagwambuka nga badembere, neye nga bakaali balukutya abalabe.