ABalamuzi 8:18 - Bbaibbuli y'oLugwere

¹⁸ Awo oGidyoni nʼabuulya oZebba nʼoZalumuuna ati, “Mwaitire bantu bengeriki e Tabboli?” Ni bamwiramu bati, “Bantu abali ooti niinywe, nabuli moiza kwibo ngʼali ooti mwana wa kabaka.”

ABalamuzi 8:18 ပူးပေါင်းရင်းမြစ်များ

EZabbuli 12:2

Abantu babbeyangana, batumula ebibono ebiwaanawaana, neye ngʼomu myoyo gyabwe mwizwire bubbeyi.

EZabbuli 89:12

Wabbumbire amambuka nʼamaserengeta. Olusozi oTabboli nʼoKerumooni gyembera eriinalyo omwisangaalo.

Yuda 1:16

Abantu abo nago ibo baadi abasiiba kwezuluguma era nʼokunonenkererya bisobyo ku bantu. Era ibo beekolera bikole ebibbibibbi okusinzirira okumanwali gʼemyoyo gyabwe. Ibo beenyumiriza ino, era bawaanawaana abantu mu kubakiina olwʼokutaka kusuna biibyo ibo abananyere ebibataka.

ABalamuzi 4:12

OSisera owebamukobeire bati oBbalaki, omutaane wʼAbbinowamu aniinaniinire okwaba oku Lusozi oTabboli,

ABalamuzi 4:6

Lwabbaire lumo, oDebola nʼatumisya oBbalaki omutaane wʼAbbinowamu era omutyami wʼe Kedesi ekyʼomu Nafutaali, ngʼamukoba ati, “OMusengwa iye oKibbumba wa Isirairi ali kukulagira ati, ‘Otwale abasaiza 10,000 abʼomu kika kya Nafutaali nʼekya Zebbulooni, obakubbembere okwaba oku Lusozi e Tabboli.

ABalamuzi 8:17

Era nʼavunawo omunaala gwʼe Penweri, nʼaita abasaiza abʼomu kibuga ekyo.

ABalamuzi 8:19

OGidyoni nʼakoba ati, “Babbaire baganda bange, baana ba mama. Ndayira oMusengwa omwomi nti singa timwabaitire, tinandibaitire inywe.”

ABalamuzi 8:5

Oweyatuukire e Sukosi, nʼakoba abaayo ati, “Mbegairiire, muweeku abalwani bange ekyokulya, olwʼokubba badembere ate nga tukaali tulukutya oZebba nʼoZalumuuna abakabaka aBamidiyaani.”