ABalamuzi 5:4 - Bbaibbuli y'oLugwere

⁴ “Oo Musengwa, owewazwereire oku lusozi oSeiri, owewakumbiire okuzwa omu kitundu kyʼEdomu, ekyalo kyatengeetere nʼeigulu ni litoonyesya oikendi dala, ebireri ni bisusuca amaizi.

ABalamuzi 5:4 ပူးပေါင်းရင်းမြစ်များ

ENtandiika 32:4

Nʼabatuma ati, “Mukobe omusengwa wange Esawu muti, ‘OYaakobbo omuweereryawo nenca abbanga wa Laabbaani, era abbaire niiyo paka atyanu.

2 Samwiri 22:8

Awo ekyalo ni kiyuuga era ni kitengeeta. Emisingi gyʼensozi gyona ni gyenyeenya, era ni gitengeeta, olwʼokubba oKibbumba yabbaire asunguwaire.

EZabbuli 68:9

Oo Kibbumba, watoonyeserye oikendi mungi oku kyalo, nʼoiryamu obujimu ekyalokyo okububwo ekyabbaire kinafuwire.

EZabbuli 77:17

Ebireri ni bisusuca amaizi oku kyalo, eigulu ni libbwatuka, okumesya ni kuwoisya wonawona!

EZabbuli 77:18

Eigono lyʼokubbwatukakwo, ni liwulikikanira omu gumpunga ogwʼamaani; okumesya ni kumoleka ekyalo kyonakyona. Ekyalo ni kitya era ni kitengeeta!

AMateeka 33:2

Yakobere ati, “OMusengwa yaizire e gituli ngʼazwera oku Lusozi oSinaayi, nʼazwayo ooti isana nʼatubonekera ngʼazwera omu Seiri; nʼayaka ooti isana ngʼasinzirira oku Lusozi oPalani. Yaizire nʼemitwalo gyʼabatuukirirye, oku ngaloye endiiro kwabbaireku omusyo ni gutwakira.

AbʼEbbulaniya 12:26

Ku ludi oweyatumuliire oku Lusozi oSinaayi eigonolye lyatengeeterye ekyalo, neye atyanu yasuubizire ati, “Njiza kwiramu okutengeetya ekyalo, era ku lunu tikyalo kyonkani, neye nʼomwigulu.”