ABalamuzi 3:4 - Bbaibbuli y'oLugwere

⁴ Yagalekerewo kugezesya Baisirairi, okubona ooba nga bagonderanga ebiragiro bya Musengwa ebiyabbaire awaire abazeiza baabwe ngʼabitira omu Musa.

ABalamuzi 3:4 ပူးပေါင်းရင်းမြစ်များ

OKuzwa 15:25

OMusa ni yeegairira oMusengwa, era oMusengwa nʼamulaga ekisaale, oMusa nʼakimuma omu maizi ni gasuuka masa. E Mala niiyo oMusengwa e giyabaweereire aMateeka agebasengereryanga, era niiyo e giyabagezeseirye okubona ooba nga bamugonderanga.

1 Abʼe Kolinso 11:19

Ekyo kityo olwʼokubba okugabukanamu kuteekwa kubbaawo mwinywe kaisi abatuukana mwinywe bamanyikane.

AMateeka 33:8

Oku bʼekika kya Leevi nʼakoba ati, “OTumimu owuwo nʼoWulimu owuwo bintu byʼabantubo aBaleevi abakoda. Wabagezesyeire e Maasa; Wawakaniire nabo oku nsulo gyʼe Meribba.

AMateeka 8:2

Era mwebukiryenge oMusengwa iye oKibbumba waanywe ngʼoweyabeekubbembeire omu lugendo lwonalwona, emyanka egyo 40 omwidungu, okubaikaikania nʼokubagezesya, olwʼokutaka okumanya ekiri omu myoyo gyanywe, ooba nga mwakwatanga amateekage ooba bbe.

ABalamuzi 2:22

Nze nagakolesyanga okukema aBaisirairi, okubona ooba nga bangonderanga nze oMusengwa, ngʼabazeiza baabwe owebakolanga.”

ABalamuzi 3:1

Atyanu ganu niigo amawanga oMusengwa ageyalekerewo omu Kanani okugezesya aBaisirairi, ababbaire tibamanyanga oku byʼentalo omu kyalo ekyo.