ABalamuzi 17:6 - Bbaibbuli y'oLugwere

⁶ Omu biseera ebyo, tiwabbairewo okabaka omwIsirairi. Era nabuli muntu yakolanga ngʼowaataka.

ABalamuzi 17:6 ပူးပေါင်းရင်းမြစ်များ

ENtandiika 36:31

Nga wakaali kubbaawo kabaka yenayena afuga aBaisirairi, banu niibo abakabaka abafugire ekyalo kyʼEdomu:

EZabbuli 12:4

abo abakoba bati, “Ebibono byaiswe bitusunisya nabuli ekitutaka, twatumula ebitutaka, naani ayezya okutuloberya?”

ENgero 12:15

Omusirusiru ebyakola abibona ati bituuce, neye owʼamalabuki, awulisisya ebibamulaabbira.

ENgero 14:12

Waliwo enzira omuntu egyabona ati ntuuce neye oku nkomerero ngʼeiguka mu kufa.

ENgero 16:2

Omuntu ayezya okubona ati eneebityaye yonayona ntuuce, neye oMusengwa niiye akebera omwoyo gwʼomuntu.

AMateeka 12:8

“Timwakolenge ebyo byonabyona ngʼowetukola aanu atyanu. Nabuli moiza ngʼakola ekyabona ati niikyo ekituuce,

AMateeka 33:5

OMusengwa yasuukire kabaka wʼaBaisirairi, abʼebika byabwe nʼabeekubbemberi baabwe owebakumbaanire.”

ABalamuzi 18:1

Omu biseera ebyo, oIsirairi yabbaire abula okabaka. Era omu naku egyo ekika kya Daani kyabbaire kinoonia ekifo ekyʼokutyamamu, olwʼokubba omu bika bya Isirairi ibo babbaire tibasunanga omuwuluko ogwabwe.

ABalamuzi 19:1

Atyanu omu biseera ebyo nga wakaali okubbaawo okabaka omwIsirairi, wabbairewo omusaiza oMuleevi, eyabbaire omutyami atali owenkalaakalira owʼomu kisoko kyʼekyalo kyʼEfulaimu ekyʼensozisozi. Omusaiza oyo nʼasuna omukali okuzwa omu Bbeserekeemu ekyʼomu Buyudaaya.

ABalamuzi 21:25

Omu biseera ebyo tiwabbairewo okabaka omwIsirairi. Era nabuli muntu yakolanga ngʼowaataka.

ABalamuzi 21:3

nga bakoba bati, “Oo Musengwa, iye Kibbumba wa Isirairi, lwaki kinu kituukire okwIsirairi? Lwaki ekika ekimo atyanu kiwoirewo omwIsirairi?”