ABalamuzi 17:2 - Bbaibbuli y'oLugwere

² Lwabbaire lumo nʼakoba omaaye ati, “Esekeri gyʼefeeza 1,100 egibakwibbireku nʼolaama nga mpulira, ninze enagitwaire era ndi nagyo.” Awo omaaye nʼakoba ati, “Mwana wange, oMusengwa akuwe enkabi.”

ABalamuzi 17:2 ပူးပေါင်းရင်းမြစ်များ

ENtandiika 14:19

Era nʼamusabira enkabi ngʼakoba ati, “OKibbumba oNambulaku aMwagaagana, era eyabbumbire eigulu nʼekyalo awe oIbbulaamu enkabi.

EZabbuli 10:3

Ababbibabbi beewaana olwʼebintu ebibbibibbi ebibeinira okukola. Abalulunkanira okusuna bazumirira oMusengwa era ni bamwegaana.

OKuzwa 20:7

“Tiwakolesyanga eriina lyange olwʼebigendererwa ebibbibibbi, olwʼokubba Nze oMusengwa iye oKibbumbawo nabonerezanga omuntu yenayena eyakolesyanga eriina lyange olwʼebigendererwa ebibbibibbi.”

ENgero 28:24

Oyo iye akoba ati timusango okwibba oiteeye oba omaaye, abba afaanana nʼoyo ajigirica.

Matayo 26:74

Neye oPeetero nʼatandiika okweraama era nʼokulayira ati, “Omu mazima agananyere nze omusaiza oyo timmumaite!” Amangu ago onkoko nʼakookoola.

Abʼe Looma 9:3

olwa bantu bange aBayudaaya okugaana okwikiririrya omu Yesu. Dala nankatakire ekiraami oKibbumba ekyabakubba olwʼekikole kyabwe ekyo ninze ogukibba kikwata, kaisi ninze ogubabba basalaku okuzwa mwabo aba Kurisito, abba ngʼekyo niikyo ekyalamya abantu bʼeigwanga lyange,

1 Abʼe Kolinso 16:22

Era buli iye oyo atataka oMusengwa, abba mulaame. Nsaba nti oMusengwa waiswe aire mangu.

AMateeka 27:16

“ ‘Nabuli ayanyoomanga oiteeye ooba omaaye, yasunanga ekiraami.’ ” “Awo abantu bonabona ni bairamu bati, ‘Amiina.’ ”

2 Yokaana 1:11

Era oyo iye amusangaalira ngʼowoluganda abba agabanira aamo naye omu bikolebye ebibbibibbi.

ABalamuzi 17:1

Wabbairewo eeyo omu kyalo kyʼEfulaimu ekyʼensozisozi, omusaiza ogubeeta bati Miika.

ABalamuzi 17:3

Atyanu oweyairirye esekeri gyʼefeeza 1,100 eeri omaaye, iye omaaye nʼakoba ati, “Ndi kuwonga esekeri gyʼefeeza ginu eeri oMusengwa okukutoolaku ekiraami. Ntaka bagikolemu ekifaananyi ekyʼokusinza ekiyeese, nʼekifaananyi ekibbumbe. Nʼolwekyo nagikwirirya.”

ABalamuzi 5:23

OMalaika wa Musengwa nʼakoba ati, ‘Mulaame ekibuga oMerozi mulaamire nakimo ino abakityamamu, olwʼokubba tibawagiire oMusengwa omu kulwanisya abʼamaani.’ ”

Luusi 3:10

OBbowaazi nʼamukoba ati, “Mwala iwe oMusengwa akuwe enkabi. Ekintu ekyʼekisa ekyo ekyolagire atyanu, kikiraku ekyo ekiwalagire enyumaku, olwʼokubba nandi nʼonoonia banyeete abasuni ooba badoobi.

1 Samwiri 14:24

Atyanu abalwani bʼaBaisirairi ni babba omu kugada oku lunaku olwo, olwʼokubba oSawulo yalayiriire abantu ngʼakoba ati, “Omuntu yenayena eyaabbaaku nʼakaalya nga bukaali okwirugala era nga nkaali okumala okunyaaŋa abalabe bange, asune ekiraami.” Kale nandi ni wabbaawo kadi moiza eyakombere oku kyokulya.

1 Samwiri 14:28

Awo omoiza oku bʼamaje nʼamukoba ati, “Oiteewo yasibireku abʼamaje okulya olwʼekirayiro ekikambwe ngʼakoba ati, ‘Omuntu eyaabbaaku nʼekyalya olwatyanu asune ekiraami.’ Abantu kagira bawoiremu amaani.”

1 Samwiri 15:13

Awo oSamwiri nʼayaba eeri oSawulo. OSawulo nʼamukoba ati, “OMusengwa akuwe enkabi! Ntuukiriirye ekiragiro kya Musengwa.”

1 Samwiri 23:21

OSawulo nʼakoba ati, “OMusengwa abawe enkabi olwʼokunkwatira ekisa mutyo.

1 Samwiri 26:19

Aale atyanu musengwa wange kabaka ompulisisyeku nze omuweereryawo. OMusengwa owaabba nga niiye eyakuzwereireku okusunguwala nʼoncuukira, aikirirye mmuwe ekyokuwaayo acuuse enseegaye. Neye abantu owebabba nga niibo abakikolere, nsaba nti basune ekiraami omumaiso ga Musengwa. Ekyo kityo olwʼokubba atyanu bambingire nze okutambalira omu bantu ba Musengwa, nga bankoba bati njabe kuweereryanga bakibbumba bandi.