ABalamuzi 13:12 - Bbaibbuli y'oLugwere

¹² Awo oManowa nʼamubuulya ati, “Ebibonobyo owebyalituukirira, biragiroki ebitwalikoleraku nga tukulya omwana oyo? Era omwana oyo yalikola mulimoki?”

ABalamuzi 13:12 ပူးပေါင်းရင်းမြစ်များ

ENtandiika 18:19

Era kagira mmulondere, kaisi ayezye okulungamya abaanabe nʼabaizukulube abaliirawo okungonderanga nze oMusengwa nga bakola ebyobutuukirirye nʼebyʼobwenkanya. Olwo kaisi nze oMusengwa mpezye okumukolera ebinamusuubizire.”

EZabbuli 143:8

Nabuli makeezi, oneebukiryenge okutakakwo okutakoma, olwʼokubba neesiga niiwe. Ondage enzira egindi nʼokukwata, olwʼokubba neewaayo gyoli mu kusaba.

ENgero 22:6

Olungamye omwana omu nzira egyasaaniire okukwata, nʼoweyalikula tiyaligizwamu.

ENgero 4:4

obbaabba yanjegesyanga ati, “Oteekenge ebinkukoba oku mwoyogwo. Ogonderenge ebinkulagira, kaisi obbengewo mwomi.

AbʼEfeeso 6:4

Na inywe abaiteeye bʼabaana timwanyiigisyanga abaana baanywe, wazira mubakulyenge kusani ni mubatendeka omu mpisa oMusengwa egyasiima.

ABalamuzi 13:11

OManowa nʼasetuka nʼasengererya omukaliwe. Oweyatuukire e giri omusaiza nago, yamubwirye ati, “Niiwe eyatumwire nʼomukali onu?” Nʼamwiramu ati, “Ninze.”

ABalamuzi 13:13

OMalaika wa Musengwa nʼairamu oManowa ati, “OMukaliwo ateekwa okukola byonabyona ebinamukobere.