2 Temuseewo 4:4 - Bbaibbuli y'oLugwere

⁴ Baligaana okuwulisisya ebyʼamazima, ni basengererya enfumo-obufumo.

2 Temuseewo 4:4 ပူးပေါင်းရင်းမြစ်များ

1 Temuseewo 1:4

Obakobe balekeraawo okusiisira oku bisimo, nʼomu kunonenkererya enyiriri empanvu egya maliina gʼabazeiza baabwe. Ebyo byongera kuleeta kwakana omu kifo kyʼokwegesya abantu ebya Kibbumba nga babita omu kwikirirya.

2 Peetero 1:16

Aale iswe titwatumwire bugero obubayiiya, twabakobeire ku kwira kwa Musengwa waiswe oYesu Kurisito okwʼobwezye, era obukulubwe nʼekitiisyakye twabiboineku nʼamaiso gaiswe.

1 Temuseewo 4:7

Weewalenge emboozi egitagasa omu bwomi bwa muntu wa Kibbumba, ngʼebisimo ebyʼabakaire. Omu kifo kyʼebyo, weetendeke mu bwomi obuweisya oKibbumba ekitiisya.

Bikole 7:57

Awo bonabona omulundi gumo ni bakwata omu matwi gaabwe okugaigalawo nga baasyamika, era aamo ni bayoolookera oku Sitefaano, ni bamugwera.

Tito 1:14

Nga tibateeka emyoyo gyabwe ku bifumo byʼeKiyudaaya ebyobubbeyi ooba ku mateeka abantu abo abagaana amazima egibagunjire-obugunji.

2 Temuseewo 1:15

Omaite oti abʼomwAsiya bonabona bandekerewo. Mwabo niimwo omuli oFigeero nʼoKerumogeene.

1 Temuseewo 6:20

Temuseewo, weegumye omu buweererya bwa kwemereryawo okwikirirya okutuuce. Weewalenge emboozi egitaweisya oKibbumba ekitiisya, nʼempaka egya busirusiru, egyo abo abeebbeya egibeeta mbu-so gya malabuki.

ENgero 1:32

Ekyo kityo olwʼokubba obubisi bwʼababisi niibwo obubaita, era obutafaayo bwʼabasirusiru bwabajigiricanga.

AbʼEbbulaniya 13:25

OKibbumba abakwatirenge ekisa inywe nywenanywena. Amiina.

Matayo 13:15

Ekyo kityo olwʼokubba abantu abo basuukire maisiyaaye ni batayezya kuntegeera niki ekinanyere ekyendi, basinyiire amatwi gaabwe ni gasiyalala batyo ni batayezya kuwulira ebyo ebimbakoba. Era nʼamaiso gaabwe gayofuwaire ni batayezya kubona ebyo ebinkola. Neye singa tiniikyo, bankutegeire niki ekinanyerenyeere ekyendi, nʼebyo amaiso gaabwe ebigabona nga nkola, nʼebyo amatwi gaabwe ebigawulira nga ntumula egibali. Batyo bankucuukire omu myoyo gyabwe ni baira egyendi, era ni mbalokola.’

2 Abʼe Sesalonika 2:11

OKibbumba kyazwa abaleka babagotesyegotesye, baikirirye ebyobubbeyi,