2 Samwiri 3:1 - Bbaibbuli y'oLugwere

¹ Awo ni wabbaawo olutalo aakati wʼabo abawagira oSawulo nʼabawagira oDawudi era ni lumala ekiseera kiwanvu. ODawudi ni yeeyongeranga okubba nʼamaani, neye olubba lwa Sawulo nga lweyongera kunafuwa.

2 Samwiri 3:1 ပူးပေါင်းရင်းမြစ်များ

2 Samwiri 2:17

Oku lunaku olwo olutalo ni lubba lwʼamaani, era abalwani ba Dawudi ni bawangula Abbuneeri nʼaBaisirairi.

AbʼEfeeso 6:12

Iswe abaikirirya titulwanisya bantu-buntu, wazira tulwanisya myoyo emibbimibbi egifugira omwibbanga, dala tulwanisya myoyo egyo egyʼobwezye, era tulwanisya maani agakolera omu kyalo kinu ekyʼendikiirya, era tulwanisya mizimu egya buli ngeri egiri omu bifo byʼe ngulu.

EZabbuli 84:7

Baaba nga beeyongera amaani, paka nabuli moiza oweyaliboneka omumaiso ga Kibbumba omu Sayuuni.

Abʼe Galatiya 5:17

Ebyo omubiri ebigwegomba birwanagana nʼebyo oMwoyo oMutukulye ebyataka. Kaisi tete ebyo oMwoyo oMutukulye ebyataka, birwanagana nʼebyo omubiri ebigwegomba. Nʼekizwamu, ni muteezya okukola ebyo ebimutaka.

Eseza 6:13

OKamani oweyatuukire, nʼakobera omukaliwe oZeresi nʼabakaagwabe bonabona, nabuli kintu ekimutuukireku. Awo abawi bʼamalabuki ba Kamani abo nʼoZeresi omukaliwe, ni bamukoba bati, “Ngʼowebatandiikire okukwica iwe okubba ansi wa Moludekaayi, ate nga Muyudaaya, tiwamwezye. Era mazima oyaba kubbeera nakimo ansiwe.”

ENtandiika 3:15

Era nateekawo ekinakoolo akatiwo nʼomukali oyo, nʼakati wʼeibyaireryo nʼeibyairerye. Eibyairerye lyatentenanga emitwe gyʼeibyaireryo nʼeibyaireryo lyaboizanga ebitindiro byʼeibyairerye.”

Kubiikula 6:2

Ni nningirira, ni mbona omuntu ngʼali nʼakalaso atyaime oku mbalaasi owʼerangi enjeru. Ni bamuwa engule, nʼayaba ngʼawangula, era ngʼamaliriire okuwangulira nakimo abalabebe.

2 Samwiri 2:28

Awo oYowaabbu nʼafuwa ekondeere okukoba abalwanibe balekeraawo okulukutya Abaisirairi. Awo olutalo kaisi ni lukoma.

2 Samwiri 5:10

ODawudi ni yeeyongeranga okubba omufugi owʼamaani, olwʼokubba oMusengwa iye oKibbumba oWabwezye Bwonabwona yabbaire aamo naye.

2 Samwiri 22:44

Wannunwire okuzwa omu bulabe bwʼabantu bange, nʼonsuuca mufugi wʼamawanga. Era abantu abenabbaire timmaiteku ni babba nga ninze abafuga.

Eseza 9:4

Ekyo kityo olwʼokubba oMoludekaayi yabbaire atyanu muntu mukulu omu lubiri lwa kabaka, nʼeitutumulye nga lituuka nʼomu matwale gonagona agʼobwakabaka era omusaiza oyo oMoludekaayi, ni yeeyongeranga bweyongeri okubba owʼamaani.

EZabbuli 18:43

Wannunwire okuzwa omu bulabe bwʼabantu bange, nʼonsuuca mufugi wʼamawanga. Era abantu abenabbaire timmaiteku ni babba nga ninze abafuga.

EZabbuli 46:9

Akomya entalo omu kyalo kyonakyona. Avunavunamu obulaso, nʼajigirica amasimo, nʼayoca engabo nʼomusyo.

2 Samwiri 3:6

Awo olwatuukire, abawagiri bʼenyumba ya Sawulo nga bakaali balwanagana nʼabawagiri ba Dawudi, Abbuneeri ni yeeyongera okubba owʼamaani oku bʼolubba lwa Sawulo.