2 Samwiri 22:3 - Bbaibbuli y'oLugwere

³ OKibbumba wange niiye eibbaale lyange omuneebisa, mwiye munjirukira okunkuuma. Niiye engabo yange, era niiye amaani agannunula. Niiye olugaga lwange, mwiye munjirukira okunkuuma era niiye omununuli wange, niiye annunula eeri abalabe bange.

2 Samwiri 22:3 ပူးပေါင်းရင်းမြစ်များ

ENtandiika 15:1

Oluzwanyuma lwʼebyo, oMusengwa nʼatumula nʼoIbbulaamu omu kwolesebwa ati, “Ibbulaamu tiwaatya. Nakukuumanga eeri akabbikabbi, era nalikuwa akasiimo akʼamaani.”

2 Samwiri 22:31

OKibbumba ebikolebye byʼobutuukirirye; oMusengwa byonabyona ebyasuubiza bituukirira. Niiye engabo yʼabo bonabona abairukira egyali.

2 Samwiri 22:47

OMusengwa mwomi! Bamuwuujenge iye oyo eibbaale lyange omuneebisa! Era oKibbumba iye oyo annunula bamugulumalyenge!

2 Samwiri 22:49

Era andamya abalabe bange. Oo Musengwa, onjezesya okuwangula abalabe bange, era nʼonnunula eeri abantu abaizwire obukambwe.

2 Samwiri 22:51

OKibbumba awa okabaka obuwanguli obwʼamaani. Akwatira ekisa oguyasukireku amafuta, akwatira oDawudi nʼeibyairerye ekisa emirembe nʼemirembe.

2 Samwiri 23:3

OKibbumba wa Isirairi yatumwire, iye omukuumi wa Isirairi yankobere ati, ‘Omuntu owaafuga abantu omu mazima, owaafuga ngʼatya oKibbumba,

EZabbuli 14:6

Abakola ebibbibibbi bakaisya abadoobi okutuukirirya ebibategeka okukola, neye abadoobi ibo bairukira eeri Musengwa okubakuuma.

EZabbuli 140:1

Oo Musengwa, onnunule eeri abantu ababbibabbi, ontaase eeri abaiti.

EZabbuli 140:11

Tiwaganya abo abali nʼentumula embiibbi okubbaaku nʼe gibabba oku kyalo; oleke ekibbikibbi kiyiigenge mangu abakambwe ni kibajigirica.

EZabbuli 140:4

Oo Musengwa, ontaase eeri abantu ababbibabbi, ontaase eeri abaiti ibo abakola entegeka eyʼokumpapalya.

EZabbuli 142:4

Owendola aawo e gyendi mbona nga mpaawo anfaaku, era mpaawo awokwirukira okusuna obukuumi. Mpaawo afaayo oku bwomi bwange.

EZabbuli 144:2

Niiye ali nʼokutaka okutakoma egyendi, era ekikomera kyange ekiwanvu. Niiye olugaga lwange, era omununuli wange, niiye engabo yange era egyali ginjirukira okusuna obukuumi, oyo niiye aica amawanga ansi wange.

EZabbuli 18:2

OMusengwa niiye eibbaale lyange omuneebisa, niiye olugaga lwange era omununuli wange. OKibbumba wange, niiye eibbaale lyange omuneebisa, mwiye munjirukira okunkuuma. Era niiye engabo yange era niiye amaani agannunula, era niiye olugaga lwange.

EZabbuli 27:5

Ekyo kityo olwʼokubba omu biseera ebigosi yankuumiranga kusani e gyabba, era yambisanga omu Yeekaaluye, nʼanteeka e ngulu okwibbaale eriwanvu.

EZabbuli 28:7

OMusengwa niiye ampa amaani, era niiye engabo yange. Mmwesiga nʼomwoyo gwange gwonagwona. Ambeera era omwoyo gwange ni gwizula eisangaalo, era ni nnyemba okumuwuuja.

EZabbuli 3:3

Neye iwe Musengwa, niiwe engabo enkuuma. Niiwe ompa obuwanguli, era niiwe onjiryamu amaani.

EZabbuli 32:7

Niiwe ekiirukiro kyange, ondamya nga ndi omu bigosi abantu ni babbookooka enyembo olwʼokubba onnunwire.

EZabbuli 46:1

OKibbumba niiye ekiirukiro kyaiswe era niiye amaani gaiswe, bulijo abbaawo okutubbeera omu bugosi.

EZabbuli 46:11

OMusengwa oWabwezye Bwonabwona ali na iswe, oKibbumba wa Yaakobbo niiye ekiirukiro kyaiswe.

EZabbuli 46:2

Nʼolwekyo titwatyenge waire ekyalo kyatengeetanga, nʼensozi ni gyemuma omu lwabi lwʼenyanza;

EZabbuli 46:7

OMusengwa oWabwezye Bwonabwona ali na iswe. OKibbumba wa Yaakobbo niiye ekiirukiro kyaiswe.

EZabbuli 5:12

Ekyo kityo olwʼokubba, Musengwa, owa abatuukirirye enkabi. Ekisaakyo kibakuuma ooti ngabo.

EZabbuli 55:9

Oo Musengwa otabuletabule ababbibabbi, era entumula yaabwe ogigotesyegotesye, olwʼokubba mbona bikole byʼobukambwe nʼokayaani omu kibuga.

EZabbuli 59:16

Neye nze nayembanga oku bwezyebwo. Nabuli makeezi nabbookookanga oku kutakakwo okutakoma, olwʼokubba oyabire ngʼobba niiwe olugaga lwange, era ekiirukiro kyange omu biseera byʼebigosi.

EZabbuli 61:3

Ekyo kityo olwʼokubba niiwe ekiirukiro kyange, era olugaga olwʼamaani olunkuuma eeri abalabe bange.

EZabbuli 71:7

Obwomi bwange bubbaire kyokuboneraku eeri abantu bangi, olwʼokubba obbaire kiirukiro kyange ekyʼamaani ekinkuuma.

EZabbuli 72:14

Abanunula eeri eifuge nʼeeri abababitya obundi, olwʼokubba obwomi bwabwe bwʼebbeeyi ino egyali.

EZabbuli 84:11

Ekyo kityo olwʼokubba oMusengwa niiye eisana era engabo. OMusengwa atulaga ekisa era nʼatuwa nʼekitiisya. Mpaawo kintu ekisa ekyaima abo abatambulira omu bwomi obunambulaku ekyokubunenya.

EZabbuli 84:9

Oo Kibbumba iwe atutaasa, owuwo oguwasukireku amafuta omulole omu maiso.

EZabbuli 86:14

Oo Musengwa, abeekudumbalya bansetukiireku, ekibbula kyʼabantu abaŋeŋese bataka kunjita, ibo abantu abatakuseegaku.

EZabbuli 9:10

Ibo abo abakumaite Musengwa bakwesiga, olwʼokubba abakunoonia tobalekesula.

EZabbuli 9:9

OMusengwa era niiye ekiirukiro kyʼabo abebagadya, niiye olugaga omu biseera byʼebigosi.

OKuzwa 15:2

OMusengwa niiye ampa amaani era niiye olwembo lwange; niiye andamirye abalabe. Niiye oKibbumba wange, era nʼamuwuujanga. Niiye oKibbumba wa bbaabba era nʼamugulumalyanga.

ENgero 18:10

OMusengwa, lugaga olwʼamaani, omutuukirirye omwairukira nʼasuna obukuumi.

ENgero 30:5

“Nabuli kibono kya Kibbumba kyʼamazima; niiye engabo yʼabo abairukira egyali okusuna obukuumi.

Luuka 1:47

Era omwoyo gwange gusangaalira oKibbumba oMulokoli wange,

Luuka 1:69

Atuwaire oMulokoli owʼobwezye, azwera omu lulyo lwʼomuweereryawe okabaka oDawudi,

Luuka 1:71

okutulamya abalabe baiswe, era nʼokututoola omu bwezye bwʼabo bonabona abatucaawa,

AMateeka 32:37

Awo oMusengwa yalibuulya abantube abo ati, ‘Aale atyanu abakibbumba baabwe bali yaina, ibo eibbaale omu bairukira okubakuuma?

AMateeka 32:4

OMusengwa niiye eibbaale omu neebisa, era ebikolebye bituukirirye, amanzirage gonagona matuuce. Iye Kibbumba omwesigwa atakola ekitali kituuce, era akola ebituuce ebyʼobwenkanya.”

AMateeka 33:29

Oo iwe Isirairi, ngʼooli wʼenkabi! Naani ali nga iwe, eigwanga oMusengwa eriyanunwire? OMusengwa niiye engabo yaanywe era niiye ababbeera era empiima ebaleetera okuwangula. Abalabe baanywe baliiza ni babeegudyera, neye inywe mwalyemyaga emibiri gyabwe.”

Tito 3:4

Neye oKibbumba oMulokoli waiswe, omu kutulaga ekisa nʼokutakakwe okwatakamu abantu,

Tito 3:6

Omwoyo oyo niiye oguyatuwaire nʼomwoyo gumo ngʼabita omu Yesu Kurisito oMulokoli waiswe.

AbʼEbbulaniya 2:13

Era akoba ati: “Neesiganga Kibbumba.” Era ayaba omumaiso nʼakoba ati: “Ngonu ndi aanu aamo nʼabaana oKibbumba abeyampaire.”

1 Samwiri 2:1

Awo oKaana nʼawuuja oMusengwa ngʼakoba ati, “OMusengwa aizwirye omwoyo gwange eisangaalo; oMusengwa ansuuciirye nakimo wʼamaani. Nsekerera abalabe bange, nsangaala olwʼokubba onnunwire.

1 Samwiri 2:2

“Mpaawo omutuukirirye ngʼoMusengwa, mpaawo gondi ali ngaiye; mpaawo ayezya okutukuuma ngʼoKibbumba waiswe.