2 Samwiri 2:6 - Bbaibbuli y'oLugwere

⁶ Era nsaba oMusengwa abalage okutakakwe okutakoma era abbe mwesigwa eeri inywe. Era zena njaba okubabityanga nakusani olwʼekyo ekimwakolere.

2 Samwiri 2:6 ပူးပေါင်းရင်းမြစ်များ

2 Samwiri 10:2

ODawudi nʼakoba ati, “Njaba okukolera oKanuni omutaane wa Nakasi ebyʼekisa ngʼoiteeye oweyabinkoleire.” Kale oDawudi nʼatuma abakwenda okusaasira oKanuni olwʼokufiirwa oiteeye. Neye abakwenda abo owebatuukire omu kyalo kyʼaBaamoni,

2 Samwiri 15:20

Wankumala aanu ekiseera kitono, kale atyanu nakugadangadisya ntya okutambula na iswe, ate nga timmaite nʼe ginjaba? Okange, era oyabe nʼabasirikalebo. Nsaba nti oMusengwa abakwatire ekisa era abalage okutakakwe okutakoma.”

2 Samwiri 2:7

Kale atyanu, mwiremu amaani era mubbe bagumu, olwʼokubba waire ngʼomusengwa waanywe oSawulo afiire, neye abʼomu kika kya Yuda bansukireku amafuta okubba kabaka waabwe.”

2 Samwiri 9:3

Awo okabaka nʼamubuulya ati, “Mpaawo muntu yenayena eyasigairewo omu kisito kya Sawulo, ogunnyinza okukolera ebyʼekisa kya Kibbumba?” OZibba nʼairamu okabaka ati, “Wakaali walikuuwo omutaane wa Yonasani neye yalemaire ebigere byombi.”

2 Samwiri 9:7

ODawudi nʼamukoba ati, “Tiwaatya, njaba okukukolera ebyʼekisa oku lwa iteewo oYonasani. Njaba okukwirirya eitakali lyonalyona erya zeizawo oSawulo, era waliiranga aamo na nze oku menza yange.”

EZabbuli 57:3

Yalisindika obubbeeri okuzwa omwigulu okunnunula, yalikaawukira abanjolonga. OKibbumba yalindaga okutakakwe okutakoma, era yalindaga ngʼobwali omwesigwa.

OKuzwa 34:6

Era nʼabita omumaiso ga Musa ngʼalangirira ati, “Ninze oMusengwa, iye oMusengwa alumirwa era owʼekisa, alwawo okusunguwala, owʼokutaka okutakoma era owʼobwesigwa obutakoma.

ENgero 14:22

Ibo abo abategeka okukola obubbibubbi bagota, neye abategeka okukola ebisa, basuna obutake nʼobwesigwa.

Matayo 10:16

Awo oYesu ni yeeyongera era nʼabalabula ati, “Aale muwulisisye, mbatuma nga muli ooti ntaama egibasindikire aakati omu misege, ibyo ebisolo ebya kabenje. Nʼolwekyo mubbe balabukirabuki okwekuuma ooti mpiri, era mubbe bʼeiwooyo ooti njiiwa.

Matayo 5:44

Neye nze mbakoba nti, mutakenge abalabe baanywe, era musabirenge abo ababayiigaania.

Matayo 5:7

Bʼenkabi abo abakola ebyʼekisa, olwʼokubba oKibbumba yalibakwatira ekisa.

Yoswa 2:14

“Abasaiza ni beeyama bati, ‘Tusingawo obwomi bwaiswe okulwa bwomi bwanywe. Singa timwaloope ebituli kukola, oMusengwa oweyalituwa ekyalo kinu, swena twalibba bʼamazima ni tubakwatira ekisa.’ ”

Luusi 1:8

Cooka owebabbaire baaba, oNawume nʼakoba abalyabe abo ababiri ati, “Nabuli moiza akange e waabwe, e gibamubyala. Era nsaba nti oMusengwa abakwatire ekisa, nga nywena owemwankwatiire nze nʼabagenzi ekisa.