2 Samwiri 2:1 - Bbaibbuli y'oLugwere

¹ Ebyo owebyawoire, oDawudi nʼabuulya oMusengwa ati, “Nniinaniine njabe ntyame omu kimo oku bibuga bya Yuda?” OMusengwa nʼairamu ati, “Oniinaniine oyabe.” Era oDawudi nʼamubuulya ati, “Mu kibugaki?” OMusengwa nʼairamu ati, “Oyabe mu Kebbulooni.”

2 Samwiri 2:1 ပူးပေါင်းရင်းမြစ်များ

ENtandiika 13:18

Kale oIbbulaamu nʼasenguca eweemagye, nʼayaba nʼatyama awabbaire agavule ga Mamule agabbaire e Kebbulooni, era nʼayombekerayo oMusengwa, ekyoto.

ENtandiika 32:2

OYaakobbo oweyababoine, nʼakoba ati, “Ganu niigo amaje ga Kibbumba.” Nʼawa ekifo ekyo eriina ati, Makanaimu.

2 Samwiri 15:7

Oku nkomerero wʼemyanka eena, Abbusalomu nʼakoba okabaka ati, “Nkwegairiire, onjikirirye njabe e Kebbulooni ntuukirirye obweyamo bwange obunakolere eeri oMusengwa.

2 Samwiri 2:11

ODawudi nʼafugira abʼekika kya Yuda omu Kebbulooni okumala emyanka musanvu nʼekitundu.

2 Samwiri 5:19

Awo oDawudi ni yeebuulyaku oMusengwa ati, “Nniinaniine njabe nnumbe aBafirisuuti? Wabawaayo omu bwezye bwange ni mbawangula?” OMusengwa nʼairamu ati, “Oyabe. Mazima dala njaba okubawaayo omu bwezyebwo obawangule.”

2 Samwiri 5:23

Era oDawudi nʼairamu okwebuulyaku oMusengwa. OMusengwa nʼamwiramu ati, “Tiwabalumbira aanu. Weeruguulye oire e nyuma waabwe, obalumbe ngʼozwera mumaiso gʼemisaale egibeeta obbalusamu.

EZabbuli 143:8

Nabuli makeezi, oneebukiryenge okutakakwo okutakoma, olwʼokubba neesiga niiwe. Ondage enzira egindi nʼokukwata, olwʼokubba neewaayo gyoli mu kusaba.

EZabbuli 27:4

Ekintu kimo ekinsaba oMusengwa, era ekiinnoonia, kubbanga mu nyumba ya Musengwa enaku gyʼobwomi bwange gyonagyona, nga nningirira oku busaabwe, era nʼokusaba okulungamyakwe nga ndi omu Yeekaaluye.

OKubala 13:22

Ni baniinaniina baaba ni babita omu Negevu, ni batuuka omu kibuga e Kebbulooni, aBaakimani, nʼaBasesayi, nʼaBatalumayi abaizukulu bʼAnaki e gibabbaire batyama. Ekibuga oKebbulooni, bakyombekere ni wabitawo emyanka musanvu kaisi ni bombeka ekibuga oZowani ekyʼomu Misiri.

OKubala 27:21

Yaabanga eeri Eryezaali okabona, Eryezaali yakolesyanga oWulimu nʼoTumimu okumanya ekintaka iye oYoswa akole. Omu ngeri eyo Eryezaali niiye eyalungamyanga oYoswa, nʼekibbula kyonakyona ekyʼaBaisirairi mu byonabyona ebibakolanga.”

Yoswa 15:13

OYoswa nʼawa oKalebbu omutaane wa Yefune omugabo omu bʼekika kya Yuda omu kibuga e Kiriyaasi Alubba, nga niikyo oKebbulooni, ngʼoMusengwa oweyamulagiire. Alubba yabbaire niiye ozeiza wʼAnaki.

ABalamuzi 1:1

Awo oYoswa ngʼamalire okufa, aBaisirairi ni beebuulyaku oMusengwa bati, “Kikaaki ekyatwekubbemberamu okuniinaniina okwaba okulwana nʼaBakanani?”

1 Samwiri 10:22

Ni beeyongera okubuulya oMusengwa bati, “Omusaiza nago akaali okutuuka aanu?” Era oMusengwa nʼairamu ati, “Niikyo, yeebisire mu bintu.”

1 Samwiri 23:2

Nʼolwekyo oDawudi ni yeebuulyaku oMusengwa ati, “Njabe nnumbe aBafirisuuti abo?” OMusengwa nʼamwiramu ati, “Oyabe olumbe aBafirisuuti abo olamye ekibuga oKeyira.”

1 Samwiri 23:4

Awo oDawudi tete ni yeebuulyaku oMusengwa, era oMusengwa nʼamukoba ati, “Osetuke, oserengete oyabe e Keyira, olwʼokubba njaba okuwaayo aBafirisuuti omu bwezyebwo obawangule.”

1 Samwiri 30:31

nʼabʼe Kebbulooni, nʼomu bifo byonabyona oDawudi nʼabalwanibe ebibatambuliiremu.