2 Samwiri 15:3 - Bbaibbuli y'oLugwere

³ Abbusalomu ngʼamukoba ati, “Aale obone, ensongayo nsa era ntuuce, neye mpaawo muntu okabaka oguyeesigire okukuwulisisya.”

2 Samwiri 15:3 ပူးပေါင်းရင်းမြစ်များ

2 Samwiri 15:4

Era ngʼAbbusalomu ayongeraku ati, “Kale singa babbaire bannondere okubba mulamuzi omu kyalo kyaiswe kinu! Awo omuntu yenayena eyandibbairenge nʼensonga yonayona ooba omusango, yandiizirenge egyendi era ni mmulamula omu bwenkanya.”

2 Samwiri 8:15

ODawudi nʼakubbembera oIsirairi yenayena, era nʼafuganga abantube omu mazima nʼobwenkanya.

EZabbuli 12:2

Abantu babbeyangana, batumula ebibono ebiwaanawaana, neye ngʼomu myoyo gyabwe mwizwire bubbeyi.

OKuzwa 20:12

“Oiteewo nʼomaawo obawenge ekitiisya, kaisi owangaale ino omu kyalo Nze oMusengwa iye oKibbumbawo ekinkuwa.”

OKuzwa 21:17

“Nabuli eyajooganga oiteeye ooba omaaye, yena bamwitanga.

ENgero 12:2

Omuntu omusa abba mukoda eeri oMusengwa, neye oMusengwa asingisya owʼenkwe omusango.

ENgero 30:11

“Waliwo abatumula ebisongolye oku baitewaabwe, era nga tibasabira abamawaabwe enkabi;

ENgero 30:17

“Amaiso gʼoyo anyooma oiteeye, era oyo agaana okuwulira omaaye, ebinankololo byʼomu kiinamo byaligatoolamu, era ensega ni gigalya.”

OKubala 16:3

Beekwaite kibbubbu ni baaba ni baakanisya oMusa nʼAlooni bati, “Mubitiriirye okwewa obwezye. Iswe aBaisirairi swenaswena tuli batukulye, era oMusengwa ali aamo na iswe. Atyanu lwaki inywe mutwegulumaliryaku iswe swenaswena abantu ba Musengwa?”

Matayo 15:4

Iye oKibbumba yakobere ati, ‘Oiteewo nʼomaawo obawenge ekitiisya,’ era ati, ‘Eyazumanga oiteeye ooba omaaye, bamwitenge-bwiti.’

Bikole 23:5

OPawulo nʼabakoba ati, “Oo, baganda bange, munsoniye. Mbaire timmaite nti kaisi niiye okabona akira obukulu aate ngʼeKiwandiike kitukoba kiti: ‘Tiwatumulanga okubbikubbi oku mukulu wʼeigwangalyo.’”

1 Peetero 2:17

Era mutyo muwenge abantu bonabona ekitiisya ekya makulu. Mutakenge oluganda olwʼomu kwikirirya, nʼokutya oKibbumba, nʼokuwa omufugi ekitiisya oyo akira obukulu ali ooti kabaka.

2 Peetero 2:10

Ikyo ekyo kituuce okukiraku eino eino, eeri abo abaabira oku kwegomba okubbikubbi okwʼemibiri gyabwe era ni batala obwezye bwa Kibbumba. Era abeegesi abʼobubbeyi abo mpaawo ogubatya naire, kadi nsoni tigibakwata nʼokutumula ebyakalebule oku bʼekitiisya.