2 Samwiri 13:3 - Bbaibbuli y'oLugwere

³ Atyanu Amunooni yabbaire nʼomukaagwawe eriinalye bati Yonadaabbu, omutaane wa Samaaya, omuganda wa Dawudi. OYonadaabbu yabbaire musaiza mukalabakalaba ino.

2 Samwiri 13:3 ပူးပေါင်းရင်းမြစ်များ

ENtandiika 3:1

Atyanu ompiri yabbaire mukalabakalaba okukiraku ebisolo byonabyona ebyʼomu kigona, oMusengwa ebiyakolere. Lwabbaire lumo ompiri nʼabuulya omukali ati, “OKibbumba dala yabalagiire okutalyangaku ekineneka kyʼomusaale gwonagwona ogwʼomu musiri gunu?”

ENtandiika 38:1

Atyanu omu biseera ebyo, oYuda yazwire eeri abagandabe, nʼayaba omu kibuga kyʼAdulaamu era eeyo nʼabba mutyami okumpi nʼomusaiza oMwadulaamu, eriinalye bati Kira.

ENtandiika 38:20

Oluzwanyuma oYuda nʼatuma omukaagwawe oKira oMwadulaamu okutwalira oTamali ombuli omutomuto, era atooleyo omusingo, neye oKira nandi nʼamubona.

2 Samwiri 13:2

Amunooni nʼabba omu biseego bingi era nʼalwala nʼokulwala olwʼokutaka eino omwonyoko oTamali. Olwʼokubba oTamali yabbaire muguna, Amunooni nʼabona nga kigosi okumusuna.

2 Samwiri 13:32

Neye oYonadaabbu, omutaane wa Samaaya omuganda wa kabaka oDawudi nʼatuuka, nʼakoba ati, “Musengwa wange, oleke okuseega oti baitire abaanabo bonabona. Amunooni yenkani niiye ogubaitire, olwʼokubba Abbusalomu yabonekere ngʼamaliriire okumwita, okuzwera nakimo oku lunaku oluyakwatiire omwonyokowe okalijata.

2 Samwiri 13:4

Nʼakoba Amunooni ati, “Iwe mutaane wa kabaka, lwaki weeyongera kuwaawo nabuli lunaku? Onkobereku.” Amunooni nʼamukoba ati, “Mpulira nfa Tamali, omwonyoko wʼomuganda wange Abbusalomu.”

2 Samwiri 14:2

Kale oYowaabbu nʼatumisya omukali ogubabbaire bamaite bati wʼamalabuki owʼomu kibuga oTekowa. Omukali oyo oweyatuukire, oYowaabbu nʼamukoba ati, “Weekolesye ngʼafiiriirwe, weesibe nʼebibenga, era tiweesiiga waire akazigo, weebitye ooti mukali amalire eibbanga erinene ngʼakunga omufu.

2 Samwiri 21:21

Neye oweyanyoomoire aBaisirairi, oYonasani omutaane wa Samaaya omuganda wa Dawudi, nʼamwita.

Eseza 5:10

Neye oKamani nʼafuga obusungubwe, nʼakanga e wuwe. Awo nʼayeta abakaagwabe ni baiza omu nyumbaye, nʼakoba nʼomukaliwe oZeresi okubeeyimbyaku.

Eseza 5:14

Awo omukaliwe oZeresi nʼabakaagwabe bonabona ni bamukoba bati, “Bakukolere akalabba kʼefuuti ooti 75 obugulumali, eizo amakeezi osabe okabaka, oMoludekaayi bamwanike okwo afe, olwo oyezye okwaba okulya ekiinulo nʼokabaka ngʼoli musangaali.” OKamani nʼaseega ati, ago gabbaire malabuki masa. Kale nʼalagira ni bakola akalabba.

Eseza 6:13

OKamani oweyatuukire, nʼakobera omukaliwe oZeresi nʼabakaagwabe bonabona, nabuli kintu ekimutuukireku. Awo abawi bʼamalabuki ba Kamani abo nʼoZeresi omukaliwe, ni bamukoba bati, “Ngʼowebatandiikire okukwica iwe okubba ansi wa Moludekaayi, ate nga Muyudaaya, tiwamwezye. Era mazima oyaba kubbeera nakimo ansiwe.”

ENgero 19:6

Bangi abanoonia obukoda eeri omugabi, era nabuli moiza yeegomba okusala omukago na yooyo agaba ebirabo.

1 Abʼe Kolinso 3:19

Ekyo kityo olwʼokubba abantu bʼoku kyalo ekibatwala bati malabuki, Iye oKibbumba akibona ngʼekyʼobusirusiru. Era ngʼeKiwandiike owekikoba kiti: “OKibbumba akolesya amalabuki gʼabalabuki ngʼomutego okubapapalya.”

Yaakobbo 3:15

Ekyo kityo olwʼokubba amalabuki agʼengeri eyo tigazwa omwigulu, wazira gazwa ku kyalo; gʼabantu-buntu, era ga Sitaani.

ABalamuzi 14:20

Neye omukali wa Samusooni ni bamugaba eyabbaire omuyoyooti wa Samusooni oku mbaga.

1 Samwiri 16:11

OSamwiri nʼabuulya oYese ati, “Abataanebo bonabona niibo banu?” OYese nʼairamu ati, “Wasigaireyo onankoma, ali eeyo aliisya entaama.” OSamwiri nʼamukoba ati, “Otume bamuleete. Titwatyame paka ngʼaizire aanu.”

1 Samwiri 16:9

Awo oYese nʼabityawo oSaama. OSamwiri nʼakoba ati, “Era nʼoyo yena oMusengwa nandi nʼamulonda.”