1 Samwiri 7:6 - Bbaibbuli y'oLugwere

⁶ Ni bakumbaanira e Mizupa, ni basena amaizi era ni bagasuka okwitakali, nga bali omumaiso ga Musengwa. Oku lunaku olwo ni basiiba. Ni beenenya nga bakoba bati, “Twakolere ekibbikibbi eeri oMusengwa.” Eeyo oSamwiri giyalamuliire aBaisirairi.

1 Samwiri 7:6 ပူးပေါင်းရင်းမြစ်များ

ENtandiika 31:49

era bati, Mizupa, olwʼokubba oLaabbaani yakobere ati, “OMusengwa alamulenge akatiwo na nze owetwabba nga titukaali tubonangana.

2 Samwiri 14:14

Swenaswena tukomenkereza nga tuteekwa kufa. Obwomi bwaiswe buli ooti maizi agasusukire ansi agataseneka. Era oKibbumba tasaanyawo-busaanyi obwomi bwʼomuntu; wazira ateekawo ngeri gyʼokumwiryawo ngʼamuzwireku.”

EZabbuli 106:6

Tukolere ebikole ebibbibibbi ngʼabazeiza baiswe owebakolere, tusoberye, ni tukola obubbibubbi.

EZabbuli 119:136

Amaliga gakulumuka omu maiso gange ooti maizi, olwʼokubba abantu tibakwata mateekago.

EZabbuli 42:3

Nkunga omusana nʼobwire era agenkunga gennywa, neenu ngʼabalabe bange bambuulya okumalaku olunaku bati, “OKibbumbawo ali yaina?”

EZabbuli 6:6

Amaani gampoiremu olwʼokukunga. Nabuli kiire nkulumuca amaliga ni gadodya obuliri bwange, era obuliri bwange ni butoba nʼamaliga.

EZabbuli 62:8

Bantu bange, mwesigenge oKibbumba nabuli kiseera. Mumukoberenge niiye ebigosi byanywe byonabyona, olwʼokubba niiye ekiirukiro kyaiswe.

ABaleevi 16:29

“Eiteeka linu mwalikuumanga emirembe gyonagyona. Oku lunaku olweikumi olwʼomweri gwomusanvu, mwebonerezanga era nandi ni mukola omulimo gwonagwona, ekikoba kiti, inywe aBaisirairi ooba abanamawanga abatyama mwinywe.

ABaleevi 26:40

“Neye owebalyenenya ebikole byabwe ebibbibibbi nʼebyʼabazeiza baabwe ababbaire abatali beesigwa era abanjeemeire,

Luuka 15:18

Nakanga eeri obbaabba, mmukobe nti bbaabba, nabebenyere egyoli nʼeeri oKibbumba.

Yoswa 18:26

nʼoMizupa, nʼoKefira, nʼoMoza,

ABalamuzi 10:10

Awo aBaisirairi ni beekungirira oMusengwa nga bakoba bati, “Twakolere ekikole ekibbikibbi omumaisogo, olwʼokubba twakuzwireku, iwe Kibbumba waiswe, ni tuweereryanga aBabbaali.”

ABalamuzi 10:15

Neye aBaisirairi ni bakoba oMusengwa bati, “Twakolere ekikole ekibbikibbi. Otukole kyonakyona ekyobona nga kitusaanira, neye tukwegairiire otununule.”

ABalamuzi 2:4

OMalaika wa Musengwa oweyamalire okutumula ebyo, aBaisirairi bonabona ni bakuukulya.

ABalamuzi 20:23

Ekyo kityo olwʼokubba aBaisirairi babbaire baabire ni bakungira omumaiso ga Musengwa paka igulo okubuulya oMusengwa bati, “Tete tuniinaniine twabe tulwanisye abaganda baiswe abʼekika kya Bbenyamini?” Omusengwa ngʼabairiremu ati, “Muniineniine mwabe mubalwanisye.”

ABalamuzi 20:26

Awo aBaisirairi bonabona, amaje gonagona ni ganiinaniina gaaba e Bbeseri, era eeyo ni gatyama gakungira omumaiso ga Musengwa. Gasiibire olunaku olwo paka igulo era ni gawaayo eeri oMusengwa esadaaka egibooca yonayona, nʼesadaaka eyʼokusyania.

ABalamuzi 3:10

OMwoyo wa Musengwa nʼaika okwOsiniyeeri, nʼasuuka mulamuzi wa Isirairi era nʼayaba okulwana olutalo. OMusengwa nʼawaayo oKusaani Lisyasaimu, okabaka wʼe Mesopotamiya omu bwezye bwʼOsiniyeeri nʼamuwangula.

1 Samwiri 1:15

Awo oKaana nʼamwiramu ati, “Musengwa wange tikityo, ndi mukali anakuwaire omu mwoyo. Tinnywire mwenge gwʼemizabbibbu, waire ekiteemeerya ekindi kyonakyona. Mbaire nnyanjulira Musengwa naku endi oku mwoyo.

1 Samwiri 10:17

Oluzwanyuma oSamwiri nʼayeta abantu ba Isirairi bonabona ni bakumbaanira e Mizupa omumaiso ga Musengwa.

1 Samwiri 12:10

Awo abazeiza baanywe ni bakungirira oMusengwa, nga bakoba bati, “Twakolere ekibbikibbi, olwʼokubba twakuzwireku Musengwa, ni tuweererya abakibbumba abandi aBabbaali nʼonkuni omukali Asutolesi. Neye atyanu otununule omu bwezye bwʼabalabe baiswe, twakuweereryanga.”

1 Samwiri 7:15

OSamwiri ni yeekubbembera oIsirairi enaku gyonagyona egyʼobwomibwe.