1 Samwiri 5:3 - Bbaibbuli y'oLugwere

³ Abantu bʼAsudodi owebasetukire eizo amakeezi, bayajiirye okibbumba waabwe oDagoni ngʼagwire mafuunama omumaiso gʼeSanduuku eyʼeNdagaano. Ni bamuginga ni bamwirya omu kifookye.

1 Samwiri 5:3 ပူးပေါင်းရင်းမြစ်များ

EZabbuli 115:7

Biri nʼengalo, neye tibikwata ekintu, biri nʼebigere, neye tibitambula. Era amamiro gaabyo tigazwamu eigono.

EZabbuli 97:7

Bonabona abasinza ebifaananyi, abo abenyumiriza mwebyo ebitali Kibbumba, baswaire. Abakibbumba bonabona bakotamya emitwe okusinza oMusengwa.

OKuzwa 12:12

“Era omu kiire ekinanyere ekyo njaba kubita omu kyalo kyʼe Misiri, njite nabuli mwana omwisuka omubere owa Mumisiri aamo nabuli kyayo ekibere ekisaiza ekyʼaBamisiri. Ninze oMusengwa era nabonereza abakibbumba bonabona abʼe Misiri.

Maako 3:11

Abantu ababbaireku emizimu owebamubonangaku nga bagwa ansi omumaisoge ni baasyamika bati, “Niiwe oMwana wa Kibbumba!”

1 Samwiri 6:1

ESanduuku eyʼeNdagaano ya Musengwa yamalire emyeri musanvu ngʼeri omu kyalo kyʼaBafirisuuti.

1 Samwiri 6:5

Mukole ebibbumbe ebiwulumbe ooti bizimba byanywe, nʼebiri ooti mese ibyo ebyonoonere ekyalo kyanywe. Era muwe oKibbumba wa Isirairi ekitiisya, amo nʼabasoniya inywe nʼabakibbumba baanywe era nʼekyalo kyanywe.