1 Samwiri 4:1 - Bbaibbuli y'oLugwere

¹ Atyo oSamwiri nʼakobera aBaisirairi byonabyona oMusengwa ebiyamukobeire. Atyanu aBaisirairi ni baaba okulwana olutalo nʼaBafirisuuti. ABaisirairi ni bakola enkambi okumpi nʼEbbeneza, kaisi aBafirisuuti ni bakola eyaabwe omwAfiki.

1 Samwiri 4:1 ပူးပေါင်းရင်းမြစ်များ

EZabbuli 83:7

nʼabʼe Gebbali nʼabʼAmoni, nʼabʼAmereki, nʼabʼe Firisitiya, nʼabantu bʼe Tiiro.

AMateeka 29:10

Olwatyanu aBaisirairi nywenanywena mwemereire omumaiso ga Musengwa iye oKibbumba waanywe, ekikoba kiti, abakulu baanywe abʼebika, nʼabeekubbemberi baanywe, nʼabafugi baanywe, na inywe aBaisirairi abandi bonabona abasaiza,

Yoswa 12:18

nʼAfiki, nʼoLasyaloni,

Yoswa 13:4

Omu maserengeta, ekyalo kyonakyona ekyʼaBakanani okuzwa e Maala ekyʼaBasidoni, okwabira nakimo paka okwAfiki, ikyo ekyalo kyʼaBamooli;

Yoswa 15:53

nʼoYanimu, nʼoBbesi Tapuwa, nʼAfeka,

Yoswa 19:30

nʼeWuma, nʼAfiki nʼe Lekobbu. Byabbbaire ebibuga 22 nʼebyalo ebibyeruguuliriirye.

1 Samwiri 10:19

Neye atyanu, mugaine oKibbumba waanywe abanunula omu kugada okwanywe kwonakwona nʼomu naku yaanywe. Era munkobere muti, ‘Bbe. Iwe otuteekerewo okabaka atufuge.’ Kale atyanu mukumbaane omumaiso ga Musengwa, nga muli omu bika byanywe, nʼomu ndyo gyanywe.”

1 Samwiri 29:1

ABafirisuuti ni bakumbaanirya amaje gaabwe gonagona Afiki, kaisi ibo aBaisirairi ni bakola enkambi okulirana eiruba eryabbaire omu kiinamo oYezireeri.

1 Samwiri 3:11

OMusengwa nʼakoba oSamwiri ati, “Aale obone enu, ndi kumpi okukola ekintu omwIsirairi ekyalisamalalya amatwi ga buli muntu eyalikiwulira.

1 Samwiri 4:2

ABafirisuuti ni bategeka amaje gaabwe okulumba aBaisirairi. Olutalo owerwanyinyintiire, aBafirisuuti ni bawangula aBaisirairi, ni babaitamu aawo abantu ooti 4,000.

1 Samwiri 5:1

ABafirisuuti owebanyagire eSanduuku eyʼeNdagaano ya Musengwa omu kibuga Ebbeneza olutalo e girwabbaire, bagitwaire mu kibuga Asudodi.

1 Samwiri 7:12

Awo oSamwiri nʼakwata eibbaale, nʼalikoma aakati wʼe Mizupa nʼe Sene, nʼaliwa eriina Ebbeneza ngʼakoba ati, “OMusengwa atubbeereire, paka atyanu.”