1 Samwiri 2:9 - Bbaibbuli y'oLugwere

⁹ Alungamya ebigere byʼabo abamwesiga, neye ababbibabbi yalibaita ni baserengeta e magombe.” “Omuntu tawangula lwa maanige;

1 Samwiri 2:9 ပူးပေါင်းရင်းမြစ်များ

EZabbuli 1:6

Ekyo kityo olwʼokubba oMusengwa alungamya era akuuma abatuukirirye, neye enzira ababbibabbi egibasengererya ebalungamya mu kujigirika.

EZabbuli 105:37

Awo nʼatoolayo aBaisirairi nga bali nʼefeeza nʼezaabbu, bonabona nga boomi era bʼamaani.

EZabbuli 121:3

Tiyakulekenge okugwa, Iye oyo akukuuma tiyawongerenge.

EZabbuli 121:5

OMusengwa niiye akukuuma, oMusengwa abba kumpi na iwe okukukuuma.

EZabbuli 121:8

OMusengwa yakukuumanga amaaba nʼamaira, okuzwa atyanu, paka emirembe gyonagyona.

EZabbuli 145:20

OMusengwa akuuma abo bonabona abamutaka, neye yalijikirica ababbibabbi bonabona.

EZabbuli 31:17

Oo Musengwa, nkusaba tiwaganya ni nswala, Neye oleke ababbibabbi baswale, Oleke basirinkirire e magombe.

EZabbuli 37:28

Ekyo kityo olwʼokubba oMusengwa ataka bwenkanya, era talekesula abamwesiga. Abakuuma emirembe gyonagyona. Neye eibyaire lyʼababbibabbi, balirijigirica.

EZabbuli 94:18

Owenakobere nti, “Ntyerera,” Musengwa okutakakwo okutakoma, kwampaniriire.

EZabbuli 97:10

Inywe abataka oMusengwa, mucaawe ekibbikibbi. Iye akuuma obwomi bwʼabo abamwesiga, era nʼabanunula omu bwezye bwʼababbibabbi.

ENgero 16:9

Omuntu ategeka ebyali nʼokukola, neye oMusengwa niiye asalawo ebiri nʼokutuukirira.

ENgero 2:8

akuuma abakola ebyʼobwenkanya, era alabirira abo abamwesiga.

ENgero 3:26

olwʼokubba oMusengwa yakukuumanga, tiyakulekenge okugwa omu mutego.

OKubala 6:24

“ ‘OMusengwa abawe enkabi; era abakuumenge;

Matayo 8:12

Neye abo abandibubbairemu, balibabbingira e nza omu ndikiirya, e walibba okukunga nʼokuŋiiya amaino.”

Abʼe Looma 3:19

Neye atyanu bainange, tukimanyicirye tuti buli kimo ekiri omu Mateeka kikwata ku niiswe aBayudaaya, iswe abekyetaagisya okwabira oku Mateeka. Kaisi, okubitira mwekyo, tiwaabbaawo muntu yenayena asuna ekiyekwatirirya nambu kaisi awunuke okumubonereza era kaisi oKibbumba ayezye okulamula abantu bʼoku kyalo bonabona kyekimo.

AMateeka 33:3

Mazima otaka abantubo; abatukulye bonabona bali mu bwezyebwo. Era bonabona batyama kumpi nʼebigerebyo era ni basunanga okubalungamya kuzwa gyoli.

1 Peetero 1:5

Enkabi egyʼamaani egyo gyanywe. Era olwʼokwikirirya kwanywe, amaani ga Kibbumba gabakuuma kusani okubatuuca oku kununula kwʼebintu byonabyona, ikwo okutegeke okweragira nakimo oku lunaku oKibbumba oluyalisaliraku abantu emisango.

2 Peetero 2:17

Abeegesi bʼobubbeyi abo tibagasa ooti iruba eribulamu amaizi, era bali ooti kisu ompunga ekyafuwa. Nʼolwekyo oKibbumba abategekeire ekifo ekiizwire ogundikiirya ogunene.

Yuda 1:1

Ninze oYuda omuweererya wa Yesu Kurisito, era omuganda wa Yaakobbo. Mpandiikira inywe oKibbumba oItewaiswe abeyayetere era abaataka, era inywe oYesu Kurisito abaakuuma.

Yuda 1:13

Era abantu abo babulaku obukuumi ooti mayengo gʼoku nyanza, kaisi batyo nakimo ngʼamayengo owegazwamu eifulo erifuduuki bona ebikole byabwe ebibazwamu byʼensoni. Era endungamya yaabwe tinteereeri ooti nkota egindi egitambula gityogityo egiteezya okubba endagirira yʼomuntu, era ibo babategekeire kifo kyʼendikiirya eyʼamaani egibateekwa okubba emirembe nʼemirembe.

Yuda 1:3

Atyanu bainange abatake, waire nabbaire njunjumiriire kubawandiikira inywe ku bulokole nze na inywe owetwasunire, neye tete mbona nga nteekwa kubawandiikira ku nsonga gendi. Iyo eyo nga niiyo eyʼokubakubiriza inywe mwefudeku okulwanirira okwikirirya okwo oKibbumba okweyawaire abatuukiriryebe abatukulye omulundi gumo lumala.

1 Samwiri 25:26

“Atyanu musengwa wange, oMusengwa akulamirye okusuka omusaaye, na iwe onanyere okunyaaŋa. Kale, oMusengwa ngʼobwali mwomi, era wena ngʼobwoli omwomi, abalabebo aale atyanu abataka okukukolaku akabbikabbi iwe musengwa wange, basune ekibonerezo ooti Nabbali.