1 Samwiri 2:5 - Bbaibbuli y'oLugwere

⁵ Abo abaalyanga ni baikuta, atyanu bapakasa-bupakasi ekyokulya, neye ababbaire abanzalwa, tibakaali badamba ekyokulya. Eyabbaire abula omwana abyaire musanvu, neye odi eyabyaire abangi, tasigairye kadi moiza.”

1 Samwiri 2:5 ပူးပေါင်းရင်းမြစ်များ

EZabbuli 113:9

Awa omukali abula omwana eisangaalo omu kisitokye nʼamusuuca omukali omubyaire. Muwuuje oMusengwa.

EZabbuli 34:10

Empologoma igyo egyʼamaani gikayaku ekyokulya enzala nʼegiruma, neye abanoonia oMusengwa, tibadamba ekintu ekisa kyonakyona.

Luuka 1:53

Abali omu kwetaaga abawaire ebintu ebisa bingi, neye abasuni nʼababbinga nga badambaku akantu konakona.

Luuka 16:25

“Neye oIbbulaimu nʼamwiramu ati, ‘Mwana wange, oyebukirye oti owewabbaire ngʼokaali oli mwomi oku kyalo wasunire ebisa ebibyo, ngʼoLazaalo iye ali mu kugada. Kale atyanu oLazaalo yena aanu ali mwisangaalo, wena ngʼoli omu bulumi obunene.

Abʼe Galatiya 4:27

Bakiwandiikire bati: “Osangaale iwe omugumba era onambula mwana; okubbe olukero olwʼamaani iwe atalumwangaku kubyala. Ekyo kityo olwʼokubba omukali ogubalekerewo, ali nʼabaana bangi okukiraku oyo aali nʼoibaaye.”

Luusi 4:15

Yaliirya buyaaka obwomibwo era nʼakubbeesyawo omu biseerabyo ebyʼobukaire. Ekyo kityo olwʼokubba omulyawo, iye nago akutaka eino era akukirira abaana omusanvu abaisuka, abyaire omwana mwisuka.”

1 Samwiri 1:20

Era ekiseera owekyatuukire, oKaana nʼabba kida nʼabyala omwana mwisuka, nʼamuwa eriina ati Samwiri, ngʼakoba ati, “Olwʼokubba namusabire Musengwa.”

1 Samwiri 1:6

Omwalikwawe yakolanga ebyamusunguwalyanga era ni bimunakuwalyanga ino, olwʼokubba oMusengwa yabbaire amwimire olubyalo.