1 Samwiri 2:2 - Bbaibbuli y'oLugwere

² “Mpaawo omutuukirirye ngʼoMusengwa, mpaawo gondi ali ngaiye; mpaawo ayezya okutukuuma ngʼoKibbumba waiswe.

1 Samwiri 2:2 ပူးပေါင်းရင်းမြစ်များ

2 Samwiri 22:3

OKibbumba wange niiye eibbaale lyange omuneebisa, mwiye munjirukira okunkuuma. Niiye engabo yange, era niiye amaani agannunula. Niiye olugaga lwange, mwiye munjirukira okunkuuma era niiye omununuli wange, niiye annunula eeri abalabe bange.

2 Samwiri 22:32

Ekyo kityo olwʼokubba, aale naani oKibbumba okutoolaku oMusengwa? Era naani eIbbaale omutwebisa okutoolaku oKibbumba waiswe?

2 Samwiri 7:22

“Oo Musengwa iwe oKibbumba, ngʼoli mukulu! Mpaawo gondi ali ooti niiwe, era mpaawo Kibbumba ogutwabbaire tuwuuliireku okutoolaku iwe.

EZabbuli 111:9

Yanunwire abantube, nʼakola nabo endagaano eyenkalaakalira. Iye Mutukulye era wʼentiisya.

EZabbuli 18:2

OMusengwa niiye eibbaale lyange omuneebisa, niiye olugaga lwange era omununuli wange. OKibbumba wange, niiye eibbaale lyange omuneebisa, mwiye munjirukira okunkuuma. Era niiye engabo yange era niiye amaani agannunula, era niiye olugaga lwange.

EZabbuli 18:31

Ekyo kityo olwʼokubba, aale naani oKibbumba okutoolaku oMusengwa? Era naani eIbbaale omutwebisa okutoolaku oKibbumba waiswe?

EZabbuli 71:19

Oo Kibbumba, obutuukiriryebwo bugulumali okutuuka okwigulu, iwe akolere ebikulu. Oo Kibbumba, naani aali ooti niiwe?

EZabbuli 71:3

Obbe niiwe eibbaale lyange omu neebisa okusuna obukuumi bulijo; olagire bannunule olwʼokubba niiwe eibbaale lyange omu neebisa era olugaga lwange.

EZabbuli 73:25

Naani ogundinaye omwigulu nga tiniiwe? Niiwe oguneetaaga okukiraku ekintu kyonakyona oku kyalo.

EZabbuli 86:8

Oo Musengwa, omu bakibbumba mpaawo aali ooti niiwe, waire aali nʼebikole ooti bibyo.

EZabbuli 89:6

Naani oku bali omwigulu ogubayezya okugeraagerania oku Musengwa? Kiriina oku bibbumbe byʼomwigulu ekiri ooti Musengwa?

EZabbuli 89:8

Oo Musengwa oWabwezye Bwonabwona, naani aali ooti niiwe? Oo Musengwa, oli nʼobwezye era oli mwesigwa mu byonabyona.

EZabbuli 99:3

Oleke bawuuje eriinalye erikulu era eryʼentiisya. Iye Mutukulye.

EZabbuli 99:5

Mugulumalye oMusengwa iye oKibbumba waiswe! Era mumusinze nga muli omumaiso gʼentebeye eyʼobwakabaka, olwʼokubba iye Mutukulye.

EZabbuli 99:9

Mugulumalye oMusengwa iye oKibbumba waiswe, era mumusinzire oku lusozirwe olutukulye, olwʼokubba oMusengwa iye oKibbumba waiswe iye Mutukulye.

OKuzwa 15:11

“Oo Musengwa, omu bakibbumba naani aali ooti niiwe? Naani aali ooti niiwe; owʼekitiisya era omutukulye owentiisya ogubawuuja, era akola ebyewunyo?

ABaleevi 11:44

Ninze oMusengwa iye oKibbumba waanywe, mwetukulye mubbe batukulye olwʼokubba Nze ndi mutukulye. Timwesuucanga abatali balongoole olwʼokulya ekibbumbe kyonakyona ekisamanta okwitakali.

ABaleevi 11:45

Ninze oMusengwa eyabatoire omu kyalo kyʼe Misiri, mbe Kibbumba waanywe. Nʼolwekyo mubbenge batukulye, olwʼokubba nze ndi mutukulye.

ABaleevi 19:2

“Otumule nʼaBaisirairi bonabona, era obakobe oti, ‘Mubbenge batukulye, olwʼokubba Nze oMusengwa iye oKibbumba waanywe ndi mutukulye.

Abʼe Looma 15:4

Byonabyona eBiwandiike eira babiwandiikire kutwegesya, kaisi olwo tubbenge nʼosuubi olwʼokuguminkiriza nʼolwʼamaani eBiwandiike agebituwa.

Abʼe Looma 4:8

Wʼenkabi omuntu oyo oMusengwa ogwatalibalira ekibbikibbi naire.”

AMateeka 3:24

‘Oo Musengwa iwe oMukulu, obbaire wankutandiika okundaga nze omuweereryawo ebikulu era ebyʼamaani ebyokola. Waliwo okibbumba ogondi yenayena omwigulu ooba oku kyalo ayezya okukola ebikulu era ebyʼamaani nga Iwe ebyokola?

AMateeka 32:20

Nʼakoba ati, ‘Njaba okubakubbira omugongo, kaisi mbone enkomerero yaabwe; olwʼokubba omulembe gwabwe gwʼabantu abʼeitalo, baana abatali beesigwa.

AMateeka 32:39

“ ‘Aale atyanu mukimanye muti, Nze ninze zenkani oKibbumba! Mpaawo kibbumba gondi okutoolaku Nze. Ninze njita, era Ninze ngaba obwomi. Ntemula era ni ndamya, mpaawo ayezya okwakanisya ekimba nsalirewo.

AMateeka 32:4

OMusengwa niiye eibbaale omu neebisa, era ebikolebye bituukirirye, amanzirage gonagona matuuce. Iye Kibbumba omwesigwa atakola ekitali kituuce, era akola ebituuce ebyʼobwenkanya.”

AMateeka 4:35

“Ebyo oMusengwa yabibalagire inywe, kaisi mumanye muti oMusengwa, niiye oKibbumba yenkani, mpaawo gondi.

AMateeka 4:39

“Kale mumanye olwatyanu era mukikuume omu myoyo gyanywe muti, oMusengwa niiye oKibbumba aali angulu omwigulu nʼansi oku kyalo. Mpaawo gondi.

1 Peetero 1:16

olwʼokubba bakiwandiikire bati, “Mubbenge batukulye, olwʼokubba nze ndi Mutukulye.”