1 Samwiri 2:1 - Bbaibbuli y'oLugwere

¹ Awo oKaana nʼawuuja oMusengwa ngʼakoba ati, “OMusengwa aizwirye omwoyo gwange eisangaalo; oMusengwa ansuuciirye nakimo wʼamaani. Nsekerera abalabe bange, nsangaala olwʼokubba onnunwire.

1 Samwiri 2:1 ပူးပေါင်းရင်းမြစ်များ

EZabbuli 118:14

OMusengwa niiye ampa amaani era niiye olwembo lwange; niiye annunula.

EZabbuli 13:5

Neye nze neesiga kisaakyo, najaagaananga olwʼokubba walinnunula.

EZabbuli 148:14

Yasuucirye eigwangalye lyʼamaani, kagira abatuukiriryebe bonabona bamuwuuja, ibo aBaisirairi, abamuli oku mwoyo. Muwuuje oMusengwa.

EZabbuli 18:2

OMusengwa niiye eibbaale lyange omuneebisa, niiye olugaga lwange era omununuli wange. OKibbumba wange, niiye eibbaale lyange omuneebisa, mwiye munjirukira okunkuuma. Era niiye engabo yange era niiye amaani agannunula, era niiye olugaga lwange.

EZabbuli 20:5

Awo twakubbanga olukero olwʼeisangaalo ngʼowangwire, era twajaagaananga olwʼobuwanguli omu liina lya Kibbumba. Era nsaba oMusengwa akuwenge byonabyona ebiwamusabanga.

EZabbuli 21:2

Omuwaire omwoyogwe ebigwegomba, era tomwimire ekyakusabire.

EZabbuli 35:9

Awo nasangaaliranga ebyo oMusengwa ebyakola, najaagaananga olwʼokunnunula.

EZabbuli 51:15

Oo Musengwa, oyasamye omunwa gwange, kaisi njezye okukuwuuja.

EZabbuli 71:8

Nkuwuuja okumalaku olunaku era nga wennangirira obukulubwo.

EZabbuli 75:10

Yalijigirica amaani gʼababbibabbi, neye yalyongera agʼabatuukirirye.

EZabbuli 89:17

Ekitiisya kyabwe nʼamaani gaabwe bizwa eeri niiwe. Olwʼekisaakyo otuwa obuwanguli.

EZabbuli 89:18

Oo Musengwa, niiwe engabo yaiswe, niiwe oMutukulye wa Isirairi, owatuwaire okabaka waiswe.

EZabbuli 89:24

Naabbanga mwesigwa egyali era namulaganga okutaka okutakoma, era omu liina lyange yalisuna obuwanguli.

EZabbuli 9:14

kaisi nkuwuujenge eeri abantu abʼomu Sayuuni, era nsangaalenge olwʼokunnunula.

EZabbuli 92:10

Neye nze ompaire amaani ooti ga mbogo, era onsukireku amafuta amasa.

OKuzwa 15:1

Awo oMusa nʼaBaisirairi ni bembera oMusengwa olwembo lunu bati, “Nayemberanga oMusengwa, olwʼokubba awanguliire nakimo ino abalabebe! Embalaasi nʼabagityamaku abidyakire omu nyanza.

OKuzwa 15:21

OMiryamu nʼayemba olwembo ati, “Mwembere oMusengwa, olwʼokubba awangwire. Adyakire omu nyanza embalaasi nʼamaje gaaku.”

Luuka 1:69

Atuwaire oMulokoli owʼobwezye, azwera omu lulyo lwʼomuweereryawe okabaka oDawudi,

Abʼe Looma 5:11

Kaisi tikiikyo kyonkani, neye tusangaalira omu Kibbumba okubitira omu Musengwa waiswe oYesu Kurisito, oyo atutuucirye atyanu oku kusyania okwo.

AMateeka 33:17

OYusufu ali nʼamaani ooti ga nte onumi omubere; era ali nʼebirwana ebyʼamaani ooti maziga ga mbogo. Yakolesyanga ebirwana ebyo okusindikiriryanga amawanga, era ago agali omu kyalo kyonakyona. Amawanga ago nago niigo emitwalo nʼemitwalo gyʼeibyaire lyʼEfulaimu; era niigo emitwalo gyʼeibyaire lya Manase.”

Abʼe Firipi 3:3

Kiri kiti, niiswe abakomole abatuuce, olwʼokubba tusinza oKibbumba ngʼoMwoyowe niiye atulungamya, era nga tujaagaanira mu Kurisito Yesu. Kale titwesiga bulombolombo abantu obubakola oku kyalo,

Abʼe Firipi 4:4

Musangaalirenge omu Musengwa bulijo. Tete njiramu okubakoba nti musangaalenge.

Abʼe Firipi 4:6

Timweraliikiriranga olwʼekintu kadi kimo, neye omu mbeera yonayona musabenge oKibbumba era mumwegairirenge, era mumwebalyenge, era ebimutaka mubimusabenge niiye.

1 Peetero 1:8

Waire oYesu Kurisito nago timumubonangaku neye mumutaka; era waire wona timuli kumubonaku omu kiseera kinu, mumwikiririryamu era mwizwire eisangaalo eribitiriri era eritakobeka.

Kubiikula 18:20

Ni wabbaawo eyakobere ati: “Neye inywe omwigulu musangaale olwʼokubba bakijigiricirye! Inywe abatuukirirye, na inywe abatume nʼabanaabbi musangaale, olwʼokubba oKibbumba akisingisirye omusango olwʼebyo ebikyakolere!”

1 Samwiri 1:6

Omwalikwawe yakolanga ebyamusunguwalyanga era ni bimunakuwalyanga ino, olwʼokubba oMusengwa yabbaire amwimire olubyalo.

1 Samwiri 1:7

Kityo wekyabbanga nabuli mwanka. Owebaabanga omu nyumba ya Musengwa, oPenina nʼasunguwalyanga oKaana. OKaana kyamuzwerangaku okukunga amaliga, nʼakaya nʼokulya.