1 Samwiri 15:6 - Bbaibbuli y'oLugwere

⁶ Awo oSawulo nʼakoba aBakeeni ati, “Mwabe, muzwe omu Bamereki, tinabajigiricirya aamo nabo, olwʼokubba mwakoleire aBaisirairi bonabona ebyʼekisa, owebabbaire nga bazwa omu kyalo kyʼe Misiri.” Batyo aBakeeni ni bazwa omu Bamereki.

1 Samwiri 15:6 ပူးပေါင်းရင်းမြစ်များ

ENtandiika 15:19

Era ngʼeitakali nago lirimu aBakeeni, nʼaBakenizi, nʼaBakadumooni,

ENtandiika 18:25

Kyabba tikisa okukola otyo, iwe okwita abatuukirirye aamo nʼabakola ebikole ebibbibibbi, era okubitya abatuukirirye nʼabakola ebikole ebibbibibbi omu ngeri efaanana. Era mazima tiwakikola. Aale oMulamuzi wʼekyalo kyonakyona takola ekintu ekituuce?”

OKuzwa 18:19

Atyanu ompulisisye, oleke nkuweeku amalabuki, era nsaba oKibbumba abbe na iwe. Oli nʼokubbanga mukwenda wʼabantu eeri oKibbumba, nʼokutuucanga ensonga gyabwe egyali.

ENgero 9:6

Oleke amanzirago agʼobutamanya kaisi obbeewo mwomi. Otambulirenge mu manzira gʼobutegeeri.”

OKubala 16:34

ABaisirairi bonabona ababbaire beeruguuliriirye abantu abo, owebawuliire okukuukulya ni bairuka, nga bakooka bati, “Twirukewo, demba swena eitakali ni litumira!”

Bikole 2:40

Nʼebibono ebindi bingi, oPeetero ni yeeyongera okubalaabbira, ngʼabasisiitira ati, “Muganye oKibbumba abalokole muwunuke ekibonerezo ekyayaba okuwa abantu ababbibabbi abʼomulembe gunu ogwalemaire.”

2 Abʼe Kolinso 6:17

Era oMusengwa iye oKibbumba akoba ati: “Nʼolwekyo mubazwemu, era mugabukane nabo. Era timukwatanga oku kintu ekitali kitukulye, olwo zena nalibaaniriza inywe.

2 Temuseewo 1:16

OMusengwa akwatiire abʼomu kisito kyʼOnesifoolo ekisa, olwʼokubba yandabiriire emirundi mingi, era ensoni tigyamukwaite okunnemanyikisya nga ndi musibe.

Kubiikula 18:14

Abasuubuuzi balikikoba bati: “Ebisa byonabyona ebiwegombanga okusuna, kibuga iwe, bikufiire bityo. Ebyobusuni byonabyona nʼebyʼekitiisya bikuwoireku, era tokaali oirayo okubibonaku naire.”

ABalamuzi 1:16

Abaizukulu bʼomuko wa Musa omusaiza oMukeeni, ni baniinaniina aamo nʼabʼekika kya Yuda ni bazwa omu Kibuga kyʼeNsansa, ni baaba batyama omu bantu bʼomwidungu lya Yuda ekiri omu Negevu okumpi nʼAladi.

ABalamuzi 4:11

Omu kiseera ekyo, oKebberi oMukeeni yabbaire yeeyawiire oku Bakeeni abainaye, abaizukulu ba Kobbabbu, omwonyoko wa muka Musa, nʼayombeka eweemaye okumpi nʼomuvule ogwabbaire omu Zaananiimu, okumpi nʼe Kedesi.

ABalamuzi 5:24

OYayeeri wʼenkabi okukiraku abakali bonabona, oyo omuka Kebberi oMukeeni, wʼenkabi ino okukiraku abakali bonabona ababba omu weema.

1 Samwiri 15:5

OSawulo nʼabalwanibe ni baigerera okumpi nʼekibuga kyʼaBamereki, ni babeeteegera omu kiinamo.

1 Samwiri 27:10

Era ngʼAkisi owamubuulya ati, “Olumbire kitunduki olwatyanu?” ODawudi ngʼamwiramu ati, “Ndumbire kitundu ekyʼe maserengeta gʼe Buyudaaya,” ooba ati, “Ndumbire kitundu ekyʼaBayerameeri,” ooba ati, “Ndumbire kitundu ekyʼaBakeeni.”

1 Samwiri 30:29

nʼabʼe Lakali, nʼabʼomu bibuga byʼaBayerameeri nʼabʼomu bibuga byʼaBakeeni