1 Samwiri 1:9 - Bbaibbuli y'oLugwere

⁹ Lumo owebamalire okulya nʼokunywa nga bali omu Siiro, oKaana nʼasetuka. Omu kiseera ekyo, okabona Eri yabbaire atyaime oku ntebe okumpi nʼomulyango gwʼeYeekaalu ya Musengwa.

1 Samwiri 1:9 ပူးပေါင်းရင်းမြစ်များ

2 Samwiri 7:2

okabaka oDawudi nʼakoba onaabbi Nasani ati, “Obone nze ngona mu nyumba egibayombekeire embaabo gyʼomuvule, neye eSanduuku ya Kibbumba iyo egona mu weema!”

EZabbuli 27:4

Ekintu kimo ekinsaba oMusengwa, era ekiinnoonia, kubbanga mu nyumba ya Musengwa enaku gyʼobwomi bwange gyonagyona, nga nningirira oku busaabwe, era nʼokusaba okulungamyakwe nga ndi omu Yeekaaluye.

EZabbuli 29:9

Eigono lya Musengwa liyuujayuuja emivule, era ni limagalicirya nakimo ebikoola byʼemisaale. Omu Yeekaaluye abantu bonabona bakubba olukero bati, “Ekitiisya kibbe eeri oKibbumba.”

EZabbuli 5:7

Neye nze, olwʼokutakakwo okutakoma, naingiranga mu nyumbayo. Nasinziranga mu Yeekaaluyo entukulye, era ni nkotama okukuwa ekitiisya.

OKuzwa 21:6

omusengwawe yamutwalanga e gibasinzira oKibbumba. Eeyo, yamwemereryanga nʼamwigika oku lwigi ooba oku mwango, kaisi nʼamutundulya ekitwi nʼekyoma ekisongolye. Awo yasigazanga omugalamawe oyo enaku gyonagyona.

1 Samwiri 1:10

OKaana yabbaire munakuwali omu mwoyo. Nʼakunga ino ngʼasaba oMusengwa, era nʼamagalica ino amaliga.

1 Samwiri 3:15

OSamwiri nʼagona paka makeezi. Oweyalamukire nʼaigulawo enjigi gyʼenyumba ya Musengwa. Yatiire okukobera Eri okwolesebwa okwo.

1 Samwiri 3:3

nʼeitaala lya Musengwa nga likaali lyaka, nʼoSamwiri ngʼagonere omu Yeekaalu eSanduuku ya Musengwa e giyabbaire,

1 Samwiri 4:13

Oweyatuukire, yayajiirye Eri atyaime omu ntebeye, okumpi nʼenzira, ngʼakumiriire amawuliro agakwata oku lutalo, era nga yeeraliikiriire olwʼeSanduuku eyʼeNdagaano ya Musengwa. Awo omusaiza oyo oweyatuukire omu kibuga, nʼakobera abaamu ekyabbaire kituukirewo, abantu bonabona ni bakuukulya.