1 Peetero 5:7 - Bbaibbuli y'oLugwere

⁷ Kale mumukwatisyenge ebigosi byanywe byonabyona, olwʼokubba iye abalabirira.

1 Peetero 5:7 ပူးပေါင်းရင်းမြစ်များ

EZabbuli 34:15

Amaiso ga Musengwa gali ku batuukirirye, era atega amatwige eeri okukunga kwabwe owebamusaba obubbeeri.

EZabbuli 37:5

Nabuli kyokola okiwengeyo eeri Musengwa, omwesigenge, era yakubbeeranga.

EZabbuli 40:17

Neye nze ndi mudoobi era ndamba, nsaba oMusengwa anseegeku. Niiwe ombeera era niiwe onnunula. Oo Kibbumba wange, tiwaalwawo!

EZabbuli 55:22

Ebigosibyo obikwatisyenge Musengwa, niiye eyakubbeeranga. Tiyalekenge abatuukirirye, abantu okubawangula.

ENgero 16:3

Nabuli ekyokola okikwatisyenge Musengwa, era entegekagyo gyatuukiriranga.

Matayo 6:27

Era naani kwinywe oweyeeraliikirira, ayezya okwongeraku waire ekiseera ekityai kiti oku kuwangaalakwe?

Matayo 6:28

“Era lwaki mweraliikirira olwʼebizwalo? Aale kaade mubonere oku ngeri ebimuli egibikulamu. Cooka ibyo tibikola waire kwetungira bizwalo.

Matayo 6:31

“Kale timweraliikiriranga nga mukoba muti, ‘Twalya niki?’ ooba muti, ‘Twanywa niki?’ ooba muti, ‘Twazwala niki?’

Maako 4:38

Omu kaseera ako oYesu iye yabbaire mu kifo ekyʼenyuma omu lyato yeigikire omwito agonere. Abeegibe ni bamulamuca, ni bamukoba bati, “Musomesya, iwe tofaayo ngʼenyanza etwita?”

Luuka 12:22

Awo oYesu nʼakoba abeegibe ati, “Kale kagira mbakoba nti timweraliikiriranga omu bwomi bwanywe olwʼekyokulya, newankubbaire olwʼekyokuzwala.

Luuka 12:26

Aale obanga timwezya kukolaku waire ekintu ekityai ngʼekyo, kale lwaki mweraliikirira ebindi ebisigaireyo?

Yokaana 10:13

Iye yeirukirawo olwʼokubba iye mupakasi era entaama tagirumirwa.

Abʼe Firipi 4:6

Timweraliikiriranga olwʼekintu kadi kimo, neye omu mbeera yonayona musabenge oKibbumba era mumwegairirenge, era mumwebalyenge, era ebimutaka mubimusabenge niiye.

1 Samwiri 30:6

ODawudi nʼanakuwala ino, olwʼokubba abantu bakobere okumukubba amabbaale bamwite. Abantu bonabona emyoyo gyabalumire olwʼokulumirwa abataane baabwe nʼabaala baabwe. Neye oDawudi nʼairamu amaani olwʼokwesiga oMusengwa iye oKibbumbawe.