1 Peetero 5:6 - Bbaibbuli y'oLugwere

⁶ Nʼolwekyo mwewombekenge eeri oKibbumba iye oyo aali nʼamaani agabakuuma, era iye eyalibagulumalya ngʼekiseera kituukire.

1 Peetero 5:6 ပူးပေါင်းရင်းမြစ်များ

EZabbuli 75:10

Yalijigirica amaani gʼababbibabbi, neye yalyongera agʼabatuukirirye.

EZabbuli 89:13

Iwe oli wʼobwezye ino, engaloyo yʼamaani, engaloyo endiiro bagigulumalyanga.

OKuzwa 10:3

Kale oMusa nʼAlooni ni baaba eeri oFalaawo, ni bamukoba bati, “OMusengwa iye oKibbumba wʼaBeebbulaniya akoba ati, ‘Walituuca di okugaana okuwulisisya ekinkukoba? Oleke abantu bange baabe bayezye okunsinza.

OKuzwa 3:19

Neye mmaite kusani ngʼoFalaawo tiyalibaikirirya okwaba, okutoolaku nga kumwazya nʼamaani.

OKuzwa 32:11

Neye oMusa ni yeegairira oMusengwa iye oKibbumbawe, ngʼakoba ati, “Oo, Musengwa, lwaki omalira obusungubwo oku bantubo abewatoire omu kyalo kyʼe Misiri ngʼokolesya amaani amabitiriri nʼobwezye obwʼamaani?

ENgero 29:23

Okwekudumbalya kwʼomuntu, kwalimwica; neye eyeedembula omu mwoyo, bamuwa ekitiisya.

ABaleevi 26:41

ni bandeetera okubacaawa, ni mbasindika omu kyalo kyʼabalabe baabwe, singa balyewombeeka, ni baikirirya ekibonerezo kyʼebikole byabwe ebibbibibbi byabwe,

Matayo 23:12

Ekyo kityo olwʼokubba omuntu yenayena eyeegulumalya, balimwica. Neye nabuli iye oyo eyeewombeeka, balimugulumalya.”

Luuka 1:52

Ayanwire abʼobwezye oku ntebe gyabwe nʼabaica, neye nʼagangamula abo abʼeiwooyo.

Luuka 14:11

Ekyo kityo olwʼokubba nabuli eyeegulumalya, balimwica; neye iye oyo eyeewombeeka, balimugulumalya.”

Luuka 18:14

Awo oYesu nʼabakoba ati, “Mbakobera nti oodi iye owʼoluzwanyuma yakangire e ika ngʼoKibbumba amusoniyire okukiraku oodi ogondi. Ekyo kityo olwʼokubba buli eyegulumalya balimwica, neye iye oyo eyewombeeka balimugulumalya.”

Abʼe Looma 5:6

Owetwabbaire ngʼokulwaiswe okusuuka abantu oKibbumba abaasiima kutukaire, omu kiseera oKibbumba ekiyabbaire agerere, oKurisito yafeerereire abakaafiiri.

1 Abʼe Kolinso 10:22

Aale owetukola tutyo, olwo titubba tusetula busungu bwa Musengwa iye oKibbumba? Inywe museega muti tuli nʼamaani okumukiraku?

AMateeka 32:35

Okunyaaŋa kwange era nalibabonereza; ekiseera ekitali kyʼeyala baligwa, ekiseera kyabwe ekyakabbikabbi kiri kumpi, era okujigirika kwabwe kubavulumukiraku.”

1 Temuseewo 2:6

eyeewaireyo abbe mugaito oku lwʼabantu bonabona. Okwewaayokwe kwabbaire bujulizi obwaiziire mu kiseera ekituuce okulaga ngʼoKibbumba owaataka abantu bonabona okulokoka.

Tito 1:3

Ekiseera ekituuce owekyatuukire, obwomi obwo nʼabulagira omu bibono, era ebibono ebyo niibyo ebiyankwatisirye mbiraabbe eeri abantu, ngʼoKibbumba oMulokoli waiswe oweyalagiire.

Yaakobbo 4:10

Mwenenye omumaiso ga Musengwa, era owemwakola mutyo, iye yabasetula nʼabawa ekitiisya.

Yaakobbo 4:7

Kale mugonderenge oKibbumba. Mulwanisye oSitaani, yena yabairuka.

Yaakobbo 5:10

Boluganda, mubonere oku banaabbi abatumulanga omu liina lya Musengwa, abagadire, neye ni baguminkiriza.