1 Peetero 2:1 - Bbaibbuli y'oLugwere

¹ Nʼolwekyo timwabbanga abʼeitima! Mulekeraawo obubbeyi era nʼobunanfunsi. Timwakwatiranga abantu engongi ooba okubatumulaku okubbikubbi okwa buli ngeri.

1 Peetero 2:1 ပူးပေါင်းရင်းမြစ်များ

EZabbuli 32:2

Wʼenkabi omuntu oyo oMusengwa ogwatabalira ekibbikibbi, era onambulamu obubbeyi.

EZabbuli 34:13

okuume olulumirwo okutatumula ebintu ebibbibibbi, nʼomunwagwo okutatumula ebyakalebule.

EZabbuli 37:1

Tiwaabbanga nʼensaalwa olwʼababibabbi, waire okugongera olwʼabo abakola ebitali bisa.

EZabbuli 73:3

Ekyo kityo olwʼokubba abeekudumbalya bangongeirye, owenaboine ngʼababbibabbi abo bali omu bwomi obusa.

ENgero 14:30

Omwoyo ogulimu eidembe guleetera omubiri obwomi, neye engongi gigulya ooti kookolo owʼamagumba.

ENgero 24:1

Tiwakwatiranga ababbibabbi engongi, era tiweegombanga okwekumba nabo,

ENgero 24:19

Tiwaabbanga nʼensaalwa olwʼabo abakola ebibbibibbi, waire okugongera olwʼabo ababbibabbi,

ENgero 3:31

Tiwakwatiranga engongi oyo asuna ebintu ebyobukukumpanya, era tosalangawo okukola nga iye obwakola,

Matayo 15:7

Bananfunsi inywe, kaisi ekibono kya Kibbumba onaabbi Isaaya ekiyabalagwireku kituuce, oweyakobere ati:

Matayo 23:28

Kale nʼomu ngeri enanyere eyo na inywe, muboneka ooti bantu abakola ebintu ebyobutuukirirye, neye ngʼomu myoyo gyanywe mwizwire bunanfunsi nʼebiseego ebibbibibbi.”

Matayo 24:51

Awo omusengwa wʼomuweererya oyo yalimubonereza ino era yalimusindika aamo nʼabananfunsi eeyo e walibba okukunga nʼokuŋiiya amaino.”

Matayo 7:5

Munanfunsi iwe, osooke kutoola gusubi oguli oku liryo, olwo kaisi oyezye okubona nakusani okutoola akasubi akali oku liiso lyʼomugandawo.”

Maako 12:15

Tuli nʼokugumuwa ooba tituli nʼokugumuwa?” OYesu nʼamanyica omutego gwabwe, nʼabakoba ati, “Lwaki muntega? Mundeetere edinaali ngibone.”

Luuka 11:44

“Wobe! Ala inywe nga mulabire! Era ekyo kityo olwʼokubba muli ooti magombe agataboneka, ibo abantu agebatambuliraku nga tibamaite ekivundi ekibali kutambulirangaku.”

Luuka 12:1

Omu kiseera ekinanyere ekyo, abantu nkumi nʼenkumi nga babbiirire e giri oYesu era ni batuuka nʼokwemanganaku, oYesu nʼatandiika okukoba abeegibe ati, “Mwekuume ekizumbulukuca kyʼenjegesya yʼaBafalisaayo, ibwo nago obunanfunsi.

Luuka 6:42

Oyezya otya okukoba omugandawo oti, ‘Muganda wange, oleke nkutooleku akasubi oku liiso,’ kaisi nga iwe onyere tofaayo oku gusubi oguli oku liiso eriryo? Iwe omunanfunsi, osooke kutoola gusubi oguli oku liiso eriryo, kaisi oyezye okubona nakusani okutoola akasubi akali oku liiso lya mugandawo.

Yokaana 1:47

Iye oYesu oweyaboine oNasanairi nga yatira okumutuukaku, oYesu nʼamutumulaku ati, “Obone oMwisirairi onanyerenyeere, onambulamu bubbeyi naire.”

Abʼe Looma 1:29

Baizwire ebikole ebibbibibbi ebya buli ngeri, bantu abacaamu, abaluvu, era abavundi bʼempisa. Bonabona baizwire ngongi, na bwiti bwʼabantu, na yombo, na kuseega bundi buli moiza oku mwinaye. Era bageyangana,

1 Abʼe Kolinso 14:20

Kale boluganda timwabba ooti baana batobato omu nseega gyanywe. Wazira mubbe ooti baana abatobato ababula okumanya kwʼokukola ebikole ebibbibibbi, neye museegenge ooti bantu bakulu omu bwomi bwʼomwoyo.

1 Abʼe Kolinso 5:8

Nʼolwekyo tuli nʼokwebukiryanga bulijo tuti tuli bantu ba Kibbumba. Tuli nʼokulekawo ebikole ebibbibibbi ebitwakolanga eira, ibyo ebyʼeitima, nʼobubbibubbi, neye tukolenge biidi ebisa ebyobutuukirirye, era ebyʼamazima.

2 Abʼe Kolinso 12:20

Ekyo kityo olwʼokubba ntya nti amo owenaliiza eeyo tinalibaajirya ngʼowentaka mubbe era amo zena tinalibba ngʼowemutaka mbe. Era ntya nti amo ni mbaajiryamu oyombo, nʼengongi, nʼobusungu, nʼobwimi, nʼokalebule, nʼolugambo, nʼokwekudumbalya, era nʼakavuuyo.

AbʼEfeeso 4:31

Era ekinakoolo, nʼobuzira nʼobusungu, nʼoyombo, nʼokusibirirya oku bantu, era nabuli kibbikibbi kyonakyona, ebyo timwabikolanga.

1 Abʼe Sesalonika 2:3

Ebitubalaabbira tibya bubbeyi ooba ebyokwegaita omu ngeri etali yʼobutonde, waire ebya kwekolesya.

1 Temuseewo 3:11

Nʼabakali baabwe batyo, bona basaaniire okubba bantu abebawa ekitiisya, abatasibirirya oku banaabwe, abeegendereza, era abeesigwa mu buli kimo.

Tito 2:3

Abakali abakulu bona obeegesyenge otyo. Babbenge nʼempisa egisaanira abantu ba Kibbumba, nga tibasibirirya oku banaabwe, era nga tibagalama bʼomwenge. Bali nʼokwegesyanga bintu ebisa, nga kwoteekere okwebityanga ngʼekyokuboneraku,

AbʼEbbulaniya 12:1

Kale, tuli nʼabantu bangi ino batyo abalaga nga beesigire oKibbumba, era atyanu nga bali ooti bantu ababba beeruguuliriirye ekisaawe nga batulingiriire iswe abali omu muzenyo. Nʼolwekyo tweyambulye buli kintu ekiri omu bwomi bwaiswe ekitukaisya okuweererya oKibbumba, era nʼekibbikibbi ekitira okwiza ni kitugwisya. Tukole ebintu oKibbumba ebyataka tukole, nʼeiganyi lingi ngʼomwiruki omu koolo owʼembiro owaabba. Era tuweererya oKibbumba nga tuli baguminkiriza,

Yaakobbo 1:21

Mulekewo emize gyonagyona nʼempisa embiibbi ebiizwire omu bantu. Mwikiriryenge nʼobugondi bwonabwona ekibono kya Kibbumba ekibabasigiremu ngʼabayezyesya okukiwulira, era ekyezya okulokola obwomi bwanywe.

Yaakobbo 3:14

Neye owemubba nʼenge egyʼakabbikabbi omu myoyo gyanywe, era nga buli moiza nga yeetakirya niiye yenkani ebintu ebisa, timwabbeyesyanga. Era timwewaana muti muli balabuki, mutyo ni mwakanisya amazima ga Kibbumba agalaga engeri omwikirirya egyateekwa okwebityamu.

Yaakobbo 4:11

Boluganda, timwatumulanganangaku obundi. Oyo atumula obubbibubbi oku muntu omwinaye, ooba oyo asalira omwinaye omusango, abba abitiryemu amaiso eiteeka lya Kibbumba eryʼokutakangana. Obityamu amaiso eiteeka lya Kibbumba obba otalire eiteeka nago, era ni weesuuca mulamuzi.

Yaakobbo 4:5

Amo timumaite muti eKiwandiike tikya bwereere ekikoba kiti: “OMwoyo oKibbumba oguyateekere mwiswe wʼeiyali libitiriri?”

Yaakobbo 5:9

Boluganda, timwezulugumiranganiranga, kaisi baleke okubasalira omusango. Ekyo kityo olwʼokubba omulamuzi ali aawo kumpi.

1 Peetero 2:16

Mubbenge bantu abali nʼeidembe, neye timwakolesyanga eidembe lyanywe okwebitya okubbikubbi era mwebityenge ngʼabaweererya ba Kibbumba.

1 Peetero 2:22

Era nʼeKiwandiike kikoba kiti: “Iye tiyakolereku kibbikibbi, era tibamwajiiryekuumu bubbeyi mu ntumulaye.”

1 Peetero 3:10

Era nʼeKiwandiike kikoba kiti: “Omuntu yenayena eyegomba okubbaawo oku kyalo era ngʼali omu bwomi obusa, ateekwa okwekuuma okutabba nʼolulumi olutali lusa era nʼokutabba nʼentumula eyʼobubbeyi.

1 Peetero 4:2

Kale ekyo kimuzweramu okubba omu bwomibwe obwabba asigairye okubba oku kyalo kunu, nga tasengererya kwegomba okubbikubbi okwʼobuntu-obuntu. Neye ngʼali nʼokusengererya bintu oKibbumba ebyataka.

1 Peetero 4:4

Atyanu abantu abo nago babona ooti kintu ekibeewunyisya, inywe okubba nga timukaali mubegaitaku omu bikole ebyo nago ebyʼekisamadu, era awo-so kaisi inywe ni babazumira nakimo ino.

Kubiikula 14:5

Tibatumulangaku byʼobubbeyi, era tibaabbangaku nʼekyokubanenya.