Matthew 5:43 - Gwich'in

⁴³ “Vit'eegwijyąhchy'aa yeenii nakhwalak nąįį dinjii nąįį jyaa dahnyąą gohtth'ak, ‘Nakhwaneh'ok gwich'įį nąįį eet'ohthan, ts'ą' juu nakhwatr'ii'ee nąįį gootr'ooh'ee.’

Matthew 5:43 ပူးပေါင်းရင်းမြစ်များ

Matthew 19:19

Nahan ąįįts'ą' niti' haa yinjiikhadhoh'ee! Deegwahtł'oo ideet'ohthan googwahtł'oo nakhwanee'ok dinjii nąįį eenjit ch'eet'igwiniindhan akhwa'įį!”

Matthew 5:21

“Vit'eegwijyąhchy'aa yeenii nakhwalak nąįį jyaa ahnyąą gohtth'ak, ‘Dinjii ęhdaa tr'agǫh'aa shrǫ' jyaa dakhwazhik ji' t'ee ch'aroahkat zheh nihdeenakhwarahahchyaa t'oonchy'aa.’”

Matthew 5:27

“Vit'eegwijyąhchy'aa yeenii nakhwalak nąįį jyaa daiinyą' gohtth'ak? ‘Nakąį' akwat na'at nilii kwaa haa oonchį' shrǫ'!’”

James 2:8

Jii t'ee K'eegwaadhat Viginjik Dęhtły'aa Choh zhit gwadanakhwatł'oo, “Ideet'iindhan googwahtł'oo ch'izhii dinjii nąįį chan eet'iindhan.” Jyąhts'ą' t'akhwa'in ji' łyaa gweheezyaa. Gaa nakhwan ąįį dinjii nats'ąą vigweech'in eenjit nihłehjuk vats'ą' dinjii ǫhłįį ji' t'ee tr'agwaanduu gwahtsii ąįįts'ą' K'eegwaadhat Viginjik łeedǫhnaii t'oonchy'aa.

1 John 4:21

Juu Vit'eegwijyąhchy'aa eet'iindhan, ąįįt'ee Christ k'injiighit nąįį chan eet'ihęęnghyaa gwizhrįį. Jyąhts'ą' t'ee Vit'eegwijyąhchy'aa diits'ą' k'eedeegwiildhat.