Matthew 5:4 - Gwich'in

⁴ Zhit juu nakhwatee tr'igwidii nąįį shoo gooli', Vit'eegwijyąhchy'aa goovaa gwinzii t'inchy'aa geh'an!

Matthew 5:4 ပူးပေါင်းရင်းမြစ်များ

Luke 16:25

Abraham ąįįts'ą' jyaa yahnyąą, ‘Shidinji', gwiindaii dąį' jidii datthak chan ini'įį ts'ą' chan gwinzii gwiindaii gwizhik Lazarus ąįį gii'įį kwaa. Izhit geh'an, juk shaa dhidii ts'ą' vaashroonchy'aa t'iinchy'aa, gwizhik nan ąįį khaiinjich'inadhat.

Luke 6:21

“Juk juu nakhwatee vizhit gwiłts'ik nąįį shoo ǫhłįį, nakhwantł'eech'ahaachaa t'oonchy'aa! “Juk juu nakhwatee itree nąįį shoo giheelyaa, hohdlaa t'oonchy'aa!

Luke 6:25

“Nakhwatee juu gwintł'oo ch'a'aa nąįį nakhweenjit gwigweheetrii, Nakhwazhit gwahahts'ik. “Juk juu dlok haa azhral nąįį nakhweenjit gwigweheetrii, tr'agohohdii ts'ą' chan hohtree t'oonchy'aa!

Luke 7:38

Jesus gat'ąąnchįį gwiizhit yakwai' ant'ii niinzhii ts'ą' itree. Vitree chų' Jesus vakwai' kat daa'il ąįįts'ą' dikiighai' haa yach'ahjii ts'ą' yakwai' naats'ų' ąįįtł'ęę ąįį gwanzhįh chų' yakat t'inlik.

Luke 7:50

Gaa Jesus ąįį tr'injaa t'ahnyąą, “Nigwik'iinjigwiighit eh'an neehįįnzhii, tsinehdan naa oolį'.”

James 1:12

Ąįį juu dinjii vaagogwantrii gaa, nihk'it gwik'injiighit ji' t'ee shoo heelyaa, gwandaii ndaanąą'ąį' kwaa gaayiihaatsyaa. Ąįįt'ee K'eegwaadhat juu yeet'iindhan nąįį intł'eeyehee'aa t'oonchy'aa.

Revelation 21:4

Goovandee ts'an treechų' ach'ahahjii. Ch'ichį' chan heekwaa, tr'igwidii, akwat tr'itree akwat diishran'ee kwaii gweheekwaa. K'eejit nilii kwaa kwaii k'igwaajil.”