Matthew 5:25 - Gwich'in

²⁵ “Juu dinjii ch'ihłak shats'ą' gwiizųų t'inizhik nahnyąą (lawsuit) ji', ch'aroahkat zheh gwats'ą' nahahchyaa gwehkįį vaa gwinzii neegwąhtsii. Jyaa dinizhit kwaa ji', zhit juu noohaahkat ts'ą' nahahchyaa, ąįįtł'ęę juu gwadąįį gwak'ąąhtii (Police) nąįį antł'eenagahahchyaa ts'ą' zheh gwaazhrąįį nanagahahchyaa t'oonchy'aa.

Matthew 5:25 ပူးပေါင်းရင်းမြစ်များ

Matthew 26:58

Gaa Peter ąįį gootąįį niighit ahaa, ndak khii giinkhih choo vizheh gokwantee gwizhit gweedii geelin tthał needhe'ee nihdeiinzhii ts'ą' zhat gwadąįį gwak'ąąhtii nąįį haa naadii deegweheenjyaa li' geenjit.

Luke 18:3

Ąįįts'ą' chan tr'injaa vakai' niindhat chan zhat kwaiik'it gwich'įį. Ąįį gwintł'oo yeeninidik ts'ą' deeyiindhan gwik'it t'igwehee'yaa geenjit yaandeegwii'ąįį. ‘Juu shats'ą' iizųų nąįį eenjit shits'iinyąą.’

2 Corinthians 6:2

Vit'eegwijyąhchy'aa jii deenyąą oodǫǫhk'įį, “Nijin nakhweenjit gwinzii t'ishi'yaa nagwaanąįį ji' nakhwiihtth'ak t'oonchy'aa. Nijin drin neenakhwarahshii zhat nagwaanąįį dąį' nakhwats'iinyą' t'oonchy'aa.” Datthak shoodǫǫhk'įį, juk t'ee Vit'eegwijyąhchy'aa diineenjit gwinzii t'ihee'yaa gweheelyaa ts'ą' juk drin neereheezhii geenjit goo'aii.

Hebrews 12:17

Ąįįtł'ęę Vit'eegwijyąhchy'aa yats'ą' gwinzii t'ihee'yaa geenjit Vit'eegwijyąhchy'aa yakat noonjii yiindhan itree haa diti' oahkwat gaa deezhit ąįį ch'ijuk neegwahahtsyaa khyų' gwankeegwah'in geh'an viti' gwik'it t'iizhik kwaa.

Hebrews 3:13

Gaa nakhwatee ch'ihłak gaa Satan nakhwaninjigwaazhii haa tr'agwaanduu nakhwagwitr'it gwanlii gohtsyaa shrǫ', ts'ą' nakhwaki' tth'an dach'at haa Vit'eegwijyąhchy'aa vik'eegohthat kwaa ohli' shrǫ'. Datthak ts'ą' drin gwiteegwaanchy'aa nihłits'ohnyąą, tth'aii hee, “Juk drin” Dęhtły'aa Choh zhit diits'ą' danakhwatł'oo ąįį tth'aii gwarandaii t'igwinyąą.

Hebrews 3:7

Ąįį geh'an Ch'anky'aa Shroodiinyąą jyaa nyąą, “Juk drin Vit'eegwijyąhchy'aa viginjik dohtth'ak ji',