Matthew 26:25 - Gwich'in

²⁵ Judas, ąįįt'ee Jesus, gwantł'eehahchyaa t'inchy'aa, ąįį yats'ą' khaginkhee. “Geech'ǫąąhtan, łahchy'aa shįį t'ashaiinyąą kwaa hee?” Jesus, t'iiyahnyąą, “Nan jyaa diinyąą t'oonchy'aa.”

Matthew 26:25 ပူးပေါင်းရင်းမြစ်များ

Matthew 23:7

Nijin ch'arookwat zheh goodlii chan dinjii gwanlii tee gwihil'ee haa gooneerahąhdak gwizhrįh łyaa geet'igiindhan, ts'ą' dinjii nąįį ‘Diigeech'oahtan!’ googahnyąą dąį' łyaa geet'igiindhan.

Matthew 23:8

Gaa nakhwan ąįį geech'ǫąąhtan choh inlii nakhwaroonyą' shrǫ'. Datthak ts'ą' nihchaa ǫhłįį ts'ą' nakhweegeech'oahtan ch'ihłak zhrįh gwanlii t'oonchy'aa.

Matthew 26:14

Ąįįtł'ęę Jesus, vitsyaa 12 nąįį ch'ihłak Judas Iscariot oozhii, giinkhih kįh dilk'ii nąįį ts'ą' haazhii.

Matthew 26:49

Judas, zhat k'idik gwagwahkhan Jesus ts'ą' haazhii, “Geech'ǫąąhtan, tsinehdan naa gooli'!” yahnyąą ts'ą' yiilts'ų'.

Matthew 26:64

“Shįį t'ee adan ihłii, Gwidinji' t'ee Vit'eegwijyąhchy'aa jidii datthak geenjit t'aih di'įį vishriits'ąįį dhidii khoh'yaa, k'iidąą zheekat gwats'an zheek'ǫh tee neeheedyaa khooh'yaa t'inchy'aa.” Jesus gavahnyąą.

Matthew 27:11

Jesus, Roman k'eedeegwaadhat ąįį Israel nahkat eenjit kįh dhidii Pilate ąįį andaa nadhat giiyiłtsąįį ts'ą' yuahkat, “Jews nąįį eenjit King inlii?” yahnyąą. “Nan ąįį jyaa dinyąą t'oonchy'aa.” Jesus yahnyąą.

Luke 22:70

Datthak jyaa ginyąą, “Akwaa ji', nan lee Vit'eegwijyąhchy'aa Vidinji' t'inchy'aa?” Jyaa goovahnyąą, “Nakhwan, ąįįt'ee jyaa dashohnyąą.”

John 18:37

Ąįįts'ą' Pilate yuahkat, “King inlii diinyąą lee t'iinyąą?” Jesus jyaa yahnyąą, “Nan reh King inlii. Shaiinyąą. Ch'ihłak eenjit gwizhrįh shagoodlit ts'ą' nankat gwats'ą' hoiizhii t'ishi'in, łi'didlii eegihihkhyaa eenjit. Juu łi'didlii ts'an nilii ąįįt'ee shoołk'įį.”

John 4:31

Izhit gwiizhit vitsyaa nąįį yaandeegwii'ąįį ts'ą' jyaa giiyahnyąą, “Geech'ǫąąhtan, gwintsal ch'in'aa!”