Luke 22:35 - Gwich'in

³⁵ Ąįįtł'ęę Jesus jyaa goovahnyąą, “Nijin laraa dhah, khwah chan ts'ą' dachan kwaiitryah haa ehdan nakhwahooł'e' dąį' nik'ee k'aiich'i' t'oohchy'a'?” “K'eiich'i' t'eegwaahchy'aa kwaa,” ginyąą.

Luke 22:35 ပူးပေါင်းရင်းမြစ်များ

Luke 10:4

Laraa dhah, khwah, akwat kwaiitryah gaa adahaa hohłyaa shrǫ'! Tąįį gwinjik dinjii nǫh'in ji', vats'ą' gohkhyaa shrǫ'!

Luke 22:34

“Naagwahaaldak Peter, tik agwaanchy'aa shaanandaii kwaa hinjyaa gwats'ą' datthak juk khaa rooster hahchyaa kwaa t'oonchy'aa,” jyaa yahnyąą.

Luke 22:36

“Gaa juk, juu laraa dhah akwat khwah haa di'įį ji' adahaayehee'aa gwizhrįh. Ąįįts'ą' juu vishrii choo kwaa chan di'ik laraa t'įį hahchal ts'ą' shrii choh ooheekwat gwizhrįh.

Luke 9:3

Ąįįts'ą' t'agoovahnyąą “K'eiich'ii ch'ihłak gaa neehoh'at shrǫ', t'oh, ohtsii zhit shih, laraa ąįįts'ą' gwach'aa ch'ihłak gaa kwaa.”

2 Corinthians 8:15

Dęhtły'aa Choh zhit jyaa digwinyąą, “Juu manna łųhchy'aa lęįį teegwigwįłjik nąįį manna łųhchy'aa goovaa tr'ooniindhat kwaa, ts'ą' juu jidii tsal zhrįh teegwįłjik nąįį deegwahtsii t'ee gahahchy'aa ąįį googwahtsii goots'an nilii.”