Luke 16:19 - Gwich'in

¹⁹ “Ch'ihłan dinjii gwintsii veegoo'aii zheh gwachoo gwizhit gwich'įį. Khit chan gwach'aa daatł'oo naazhii ts'ą', jidii iindhan datthak chan di'įį.

Luke 16:19 ပူးပေါင်းရင်းမြစ်များ

Mark 15:17

Ch'adak ik daatsik k'it t'inchy'aa giinaahtsųų, ąįįts'ą' chan khoh giiłtły'aa ąįį łihts'eenaat'aii tseh giiyiłtsąįį ts'ą' giiki' kat nigiiyin'ąįį.

Mark 15:20

Nijin giiyeedlaa tł'ęę ąįį ik giinaahtsųų chy'aa, giineetr'aatsuu ts'ą' giigwach'aa ąįį giinineenlii ts'ą' cross kat gigiihahtsak gwats'ą' giiyeehiłchįį.

Luke 15:13

Ąįįtł'ęę niighyuk gwahaadhat kwaa ts'ą' tsyaa khaii ts'ą' ąįį jidii di'įį kwaii haa ch'adanh nahkat gwats'ą' haazhii. Dalaraa zhyaa an iłtsąįį.

Luke 16:1

Jesus ditsyaa nąįį jyaa ahnyąą, “Ch'ihłan dinjii valaraa gwanlii. Ąįį dinjii yalaraa k'ąąhtii nilii di'įį. Ąįį laraa k'ąąhtii nilii ąįį yalaraa zhyaa an ąhtsii eenjit giiyaagwaandak.

Luke 16:18

“Juu dinjii da'at akhoonyąą ts'ą' ch'izhii tr'injaa noonjik ąįįt'ee adultery t'iizhik ąįįts'ą' juu tr'injaa dakai' akhoonyąą ąįį ch'izhii dinjii neeyuunjik ąįįt'ee adultery t'iizhik.”

Luke 16:20

Dinjii neeshraahchy'aa valaraa kwaa, Lazarus oaazhii, chan ąįį dinjii gwintsii veegoo'aii vizheh geeghaih tthałkhyųų k'at'aanhchįį.

Revelation 17:4

Ąįį tr'injaa ik purple ts'ą' scarlet naatsik daatł'oo naazhii ts'ą' gold nidiiltsį', kii daatł'oo, ts'ą' pearl kwaii haa iltsąįį naatsuu. Danli' zhit chųų tyah gold zhit deegoo'ya' gwiindhan kwaa ts'ą' gwiizųų ch'aatr'iłchųų datthak deedąą'ąį', ąįį tr'injaa dee'ya' ąįį tr'agwaanduu vats'an tr'iinjil.

Revelation 18:16

ts'ą' t'igiheenjyaa; “Deegwahtł'oo googwantrii! Kwaiik'it gwachoo eenjit deegwahtł'oo googwantrii, gwach'aa daatł'oo, linen purple, ts'ą' scarlet (red), ts'ą' gold nindal aahchy'aa, kii daatł'oo, ts'ą' pearl kwaii naazhii chy'aa.

Revelation 18:7

Khaiinjich'iighit ts'ą' gwintł'oo tr'igwidii haa vantł'oh'ąįį, jidii ch'eegoonzhrįį ts'ą' gwihil'ee adats'an gwiłtsąįį gwik'it. Jii jyaa adaanyąą: ‘Dzaa k'eedeegwaadhat choh (Queen) va'at k'it doiidii! Shakąį' gwanlii kwaa, ts'ą' ch'ihłok gaa duuyeh veenjit tr'igwihdii!’