Yuda 1:24 - Buki Kimaasabaina

²⁴ E Yaubada itoboine iyoisikavatemi, e bei goyo goi geya kokapusita. Nakae itoboine geya ami pikwanamo imemi ana tomoeeyalina goi mami uyáwana ivataoemi.

Yuda 1:24 ပူးပေါင်းရင်းမြစ်များ

Madiu 16:27

Moitamo. Tomalatomota Tamana ana taiyao, e bei tomota tamo tamo idi guinuwa goi ikatumapudi.

Madiu 19:28

E kina go Yeisuyana idigo kana, ‘Moitamo konami liliudi bogina kokalavedi go, ame alatuuwokoimi konōve: Nava bei Yaubada kaga liliuna iyolimedi. Amo tutayana yawou aiyuwo bei kokalibubudi.

Madiu 25:31

Tuwaina Yeisu kana, ‘E tutayana Tomalatomota ikaluvilamna ima tomoeeyalina bei ivagitakoe go, kebana esaaesaina aba taimámina goi bei itusobu ikalibúbuna.

Madiu 5:12

Tutayana nakae siguuinuwe yaimi, komi ami vaiwówana yábana goi bei gagaina. Tubumiyao boi nimatu idi sinapu nakae. Yaubada ina siyogedegededi go, kidi tokabivalavalayadi adi vaiwówana dedevina sibabane. E komi nakae bei koobabane. Tauna kouyāwana gagaina.’

Luke 9:26

Moitamo. Avatauwa neta yau silawoiwoiyegu be nakae guna livala silawoiwoiyedi, nava tutayana Tomalatomota bei ima ana kimaasabaidi adi káeyana tomoeeyalina ivagiitakoedi, e nakae bei ilawoiwoiyedi.

Roma 14:4

Avatau goi tauyadi ? Komi? Geya! Tauna komi avatauwa bego kotakinoidi kidi toogoyoidi? Takínona moe kidi paakonidi toinidi idi Tomoya ina kaba lovina neta matana goi sitaoya o sisou. Ago tauyadi bei sitaoya. Moitamo. Ida Tomoya itoboine ikitogagedi sivadókana.

Roma 8:31

E tauna manakaeda ame dogoiyadi manudi? Ame nakae: Yaubada ipaaisewa ada dedevina manuna, tauna avatau itoboine bei itogagasaveda? Geya!

2 Korinta 11:2

Bogina koyagoi. Alokatemi nakae Yaubada ilokateda. Aemi bogina yaina.

2 Korinta 4:14

unana kayagoi bego kina Yaubada ida Tomoya Yeisu ámasa goi ikaitáoe, tauna kai nakae ámasa goi Yeisu taiyao bei ikaitaoema, komi taiyao toinina matana goi ivataoeda.

2 Korinta 4:17

Ima nuwonúwana bego ima mou ame tuta moe kaakapudi be nakae tuta kaakupina goi kalootowoidi go, sikatubayasima bei Yaubada ana káeyana tomoeeyalina vaatayaina kalotowo. Ame mouyadi idedevinasavedi

Epeso 3:20

E kaga neta takawanoiye Yaubada yaina o kaga neta manuna tanuwonúwana, Tauyana mana togaga gagaina toina itoboine mana vaituwo iguinuwe ina togaga ipaaisewa sinaeda pasina.

Epeso 5:27

Moe nakae bego itoboine kita ana totugugunayada ivagitakoida kaausaraida toinina yaina, geya báila be goyo yaida goi geya, go sem latuwona bego kita kimaasabaida Yaubada umana be nakae geya ada pikwanamo.

Kolose 1:22

Go ame tuta Guyau wowona ina kámasa goi Yaubada ikabivekovekomneimi, e bei ivagitakoimi toinina matana goi kimaasabaimi Tauyana umana, maavadaimi be nakae geya ami pikwanamo.

Kolose 1:28

Tauyana kai kataalavaite tutayana tomota liliumi kakatusinapumi be nakae mama nanamsa gagaina kavatulukoimi. Ima talavaitayana bego itoboinema tomota liliumi kavagitakoimi komi maatuwoimi Guyau matana goi.

Kolose 3:4

Yawoidayadi moe Guyau. Tutayana isowóduwo, e kita nakae Tauyana taiyao tasowóduwo ana tomoeeyalina goi bei takaaiyaka.

2 Timoti 4:18

Ida Tomoyayana guinuwa goyogoyoidi tamo tamo yaidi goi bei italigeigu be iyavegu imegu yábana goi iyatoigu. Tauyana aba taimámina ame tuta be nakae tuta simamaima! E nakae!

Yemesa 2:10

Avatauwa neta lovina madabokidi Yaubada ina Katukeda goi sikabikaonedi go, lovina tayamo goi sikapusi, e moe nakae Atukedayana madabokina sikapipilave.

1 Pita 4:13

Go sem komi ami gedageda ana gedageda nakae bogina kolootowoidi, e gedagedayadi manudi koouyāwana bego nava tutayana mana káeyana tomoeeyalina isowóduwo nakae bei kouyáwana gagaina toina.

2 Pita 1:10

Tauna segowo, taabu imi sinapu nakae, go sem kopooisōgana bego imi sinapu dedevina bei koyagoidoko bego Yaubada iduduwemi o tadigo kada, ‘Ikinavemi.’ Neta mae sinapuyadi dedevidi koguuinuwedi, imi numisa goi geya kookapusi, geya toina.

Yuda 1:21

Ago Yaubada ina matakoi koyoisiikavāte go, ida Tomoya Yeisu ina nuwokapisi kotuuyaōsi. Nuwokapisiyana goi yawoimi vata bei kobabane.

Nuwogau 14:5

Geya tayaamo pola siivatoi. Moitamo. Tauyadi geya adi pikwanamo.