Yemesa 5:6 - Buki Kimaasabaina

⁶ Kotu ana tolovina nuwona kokobale bei sitakino tauyana toogoyoina, e kokaumate. Go kina geya ikatumapumita.

Yemesa 5:6 ပူးပေါင်းရင်းမြစ်များ

Madiu 21:38

E kidi go tokatoguyadi sikandobala tauyana sigite imamaima. Tuwo aditava sibobóbwara kadi, “Amo toni tánuwo natuna imamaima. Tauyana tamana ana katumapu. Tuwo ima, tayōisi takaumāte bei tanuwoyana kita ida kaba lovina.”

Madiu 27:20

E kidi go Tonúwala Gagaidiyadi be nakae tomoyamoyayadi boda sisiukoidi, nuwodi sitalaidi kadi, ‘Kokawanōi bego Barabasi italigei go, Yeisu ikaumate.’

Madiu 5:39

Go ame yau alatuuwokoimi konōve: Lovinayana ana yagoina toina ame nakae: Toogoyoidi taabu kokatuumapūdi, go sem avatauwa neta padipadimi kakataimi sikailavako, e padipadimi kekelimi kotagōne nakae sikailavako.

Guinuwa 22:14

Tauyana kana, “Tubudao idi Yaubada bogina ikinavem bei ina nuwonúwana kuyagoi, kugite be nakae ina livala kunove.

Guinuwa 7:52

Yaubada ina tokabivalavalayao ietunedi sina tubumiyao yaidi go, manakae? Adi taivina sivakaleyedi? Madabokidi ae? Aiyuwoina boi tokabivalavalayadi sitalavaita bego kina bei ima go, nakae tubumiyao sitaoya sikaumatedi. Ame tuta Tokibobwatayana ana tonuwotuluyao be nakae ana tokaumatayao moe tauna komi!

Guinuwa 8:32

Ego tomwanayadi goi ikaatuyaividi moe ame nakae kana, ‘Nakae neta sivakede ina sikaumate bei itugau, o nakae neta unuununa ana tokúpwana matana goi iitaoya itugau, e Tauyana nakae. Tomota matadi goi iitaoya siyogedegede go, ona inuwa itugau.

Iberiu 10:38

E yau guna numisa goi iiketoiya. Go neta itugavilegu, geya auyaoneyeta.’ Abekuki 2:3-4

Yemesa 2:6

E komi sem imi guinuwa goi tookaidiyadi kogieomaemaedi! Go kogita! Avatauwa mou siivinimi? Avatauwa kotu goi siiyatoimi? Kidi guyaguyauwo ae?

Yemesa 4:2

Imi yalagau pasina komatakónana go, geya itoboinemita kokabi, tauna kokaumata. Aiyuwoina kovakipikipi go, geya itoboinemita kónana kokabidi, tauna kokaumakimaki be kovaboobolagu. Go dogoiyadi geya kokabidita unana Yaubada yaina geya kokawanoita.

1 Pita 4:18

ikamoitamoegu kana, ‘Kidi Yaubada nuwona ana tokibobwatayao madi mou adi yava bei sibabane, tauna Yaubada ana tokaoliliwoyao be toogoyoidi bei manakaedi? Mou gagaina toina bei sibabane!’ Nanamsa 11:31