Yemesa 5:3 - Buki Kimaasabaina

³ Imi bei sivagoyo go, idi vagoyoyadi bei sitalavaitemi komi toogoyoimi, e lovina bei kobabane. Tauna idi vagoyoyana yeu nakae bei igabumi. Moitamo komi kónana kokivagovagogoidi toinimi manumi konuwonúwana bego sikaiyako vata. Kom go vatau? Ame tuta ana kaba lukavava goi kokivagovaagogoidi, tauna mou bei kobabane.

Yemesa 5:3 ပူးပေါင်းရင်းမြစ်များ

Aba Vatowo 31:48

E Lebani idigo kana, ‘Ame gugunayana ida kaba kinana yaida.’ E moe pasina ivayou Galeyedi.

Aba Vatowo 31:52

Ame gugunayana be nakae ame didiyayana kiyakiyaya tayamo. Kiyakiyayayana ame nakae: Yau geya asaidamaneyeta bego ayogedegedem. Kom nakae geya kusaidamaneyeta bego kuyogedegedegu.

Aba Vatowo 49:1

E natunao iduduwedi sima idigo kana, ‘Kōma kotunibisīgu bei alatuwokoimi kaga bei isowóduwo yaimi.

Guinuwa 2:17

“Yaubada idigo kana, ‘Nava bei tuta ana kaba lukavava goi Balomaigu asiwoi isou ina tomota liliudi yaidi goi ikaaiyaka. Tuwo natumiyao koroto be vevina guna livala bei sikabivalevale. Imi tubuwauyao bei go, imi tomoyamoyayao bei sikanamimi.

Roma 2:5

E mami dabakasa geya latuwomi kotugavila, tauna Yaubada ina egamogamogu ana maliyalina goi o tadigo kada, ‘Ina takínona kivaavasaina ikaiwoduwe’, e ina egamogamoguyana kovaituwe bei kolotowodoko.

2 Timoti 2:17

be nakae idi bobwarayadi sitagayagaya tomota sigoyainedi nakae potu neta iwokani iwodedede. Koroto adi taiyuwo amo nakae moe Aimeniyo be Pileto.

2 Pita 3:3

Latuwogu ame koyagoidoko: Tuta ana kaba lukavava goi tokaiwoteta bei sima toinidi idi yalagau goyogoyoidi sisabokuliyedi.

Nuwogau 17:16

Ago dágula yawou kuugitedi moe tolovina yawou go, woiwoiyana taiyao bei sitaoya, tomatagogoli sikaolilive. Konana be ana kwama liliudi bei sikabidi, e nima kaka ikaaiyaka. Aiyuwoina bei situsaoli nakae neta iwoina sikani go, luluna yeu goi sivakasave.

Nuwogau 20:15

Avatauwa neta yoidi yawana vata bukina goi geya sikaiyaketa, e nakae ilavedi sisou yeu sabeniniminayana gagaina toina sinaena goi.

Nuwogau 21:8

E kidi go atedi taameyaidi, kidi idi numisa silawoiwoiye, kidi aba kalagíwala siguuinuwedi, kidi tokaumata, tomasisi goyogoyo, toroerata, tomeméyava, tobowou, yaubada polapola adi tosakululu be nakae topola liliudi. E ame tauyadi bei sina yeu sabeninimina gagaina toina nakae poiseni mokauna dadavina, moe ámasa aiyuwoina.’