Yemesa 5:16 - Buki Kimaasabaina

¹⁶ Tauna imi goyo koetalatalavaaitēdi go, kokaawanōi Yaubada yaina manumi, e bei kodedevina. Avatau neta tokibóbwata Yaubada matana goi, e ina kawanoi itogaga toina be nakae ipaisewa dókana.

Yemesa 5:16 ပူးပေါင်းရင်းမြစ်များ

Aba Vatowo 19:29

E tutayana asayadi dadava amo goi Yauwe imtulidi, Eberamo inuwaisi, tauna itagona bego Lotiyana ina kasa goi isiya.

Aba Vatowo 20:17

Ego boi Eberamo monena Sera pasina iguinuwa bego vevina madabokidi Abimeleka ina vada goi sikaaiyaka sikágala. Tuwo Eberamo ikawanoi Yaubada yaina, e Abimeleka be monena be nakae ina pakonayao vevina madabokidi ikidedevinedi. Tauna itoboinedi sikéuwama.

Aba Vatowo 20:7

Go tuwo! Eberamo yau guna , tauna vavinayana kwābi, Eberamo kuvinimnēi bei ikawanoi manum, e bei geya kukamaseta. Go sem neta geya kuviniyeta, moitamo kom be nakae im bodao bei akaumatemi.’

Aba Vatowo 32:28

E korotoyana idigo kana, ‘Bogina kuvayaviya Yaubada be koroto yaidi goi go, kom kukalisavedi. Tauna geya tuwaina yoim Yakobo. Kom yoim .’

Tateta 17:11

Tutayana nimagu akatulagasidi, e Isileli tubunao sitogaga go, neta nimagu akatusobuyedi, e kidi Amaleki tubunao sitogaga.

Tateta 9:33

E tuwo ataoya, Pero akalave, ina kasa goi asowóduwo, abala ana nimagu akatulagasidi Yauwe yaina akawanoi. Tuwo palapala be kúwana kasakasaidi sisayata, nakae kúwana geya tuwaina isou poyapoya goi.

Madiu 21:22

Tuwo kaga liliuna kokawaanoiye Yaubada yaina, bei kobabane neta konumisa.’

Madiu 3:6

be nakae idi goyo sitalavaitedi namlieta bwae Iyoridani goi .

Maki 1:5

Itaalavaita go, boda gagaina Yudiya ana dadava madabokina goi be nakae da Yerusalema madabokidi sima tauyana sitaiyakeke go, idi goyo sitalavaitedi namlieta bwae sákala Iyoridani goi isayoyoidi.

Luke 9:6

E tuwo sitaoya sina asa tamo tamo goi sivanibiníbita go, ava kasa goi sisiu, amoko goi sitaalavaite tomota yaidi be idi tokatowanayao sikidedeevinedi.

Iyoni 9:31

Bogina tayagoi Yaubada toogoyoidi geya inovedita, go sem avatauwa neta kaasalaidi Yaubada yaina be nakae ina nuwonúwana siguuinuwe, e ame tauyadi inovedi.

Guinuwa 19:18

Aiyuwoina ana tonumisayao badabadaidi sima tomota matadi goi idi goyo sikamoitamoedi go, idi méyava sitalavaitedi.

Guinuwa 8:24

Go kina Saimoni idigo kana, ‘Ami taiyuwo kokawanōi Tomoya yaina manugu bego moe dogoiyadi koodigedi taabu siisowōduwo yau yaigu.’

Roma 3:10

Moe nakae Gínina Kimaasabaidi sidige, kadi, ‘Geya vatau tayaamo kiboobosina Yaubada matana goi, geya toina!

Roma 5:19

Koroto tayamo ina kapipilova goi tomota liliuda tamalatogoyoida, e nakae koroto tayamo ina kabikáwana goi liliudakova ivayokoida kita kiboobosida.

Kolose 1:9

Moe pasina kai nakae tutayana valemi kagiminove go, ima ame tuta ima kawanoi manumi geya kasayateta. Ima kawanoiyana bego Yaubada ina nuwonúwana ana yagoina goi ivakayaodeimi ame nakae: Baloma Kimaasabaina nanamsa liliuna ivinimi, e bei koyagoidoko.

1 Tesalonáika 5:17

Imi kawanoi Yaubada yaina taabu koosayāta.

1 Tesalonáika 5:23

E Yaubada, Tauyana tuboina unana, sinapu liliuna goi bei ikimasabedokoimi ame nakae: Yawoimi madabokina, nakae balomaimi, nuwomi be wowomi, iyoisikavatedi bei geya ami pikwanamo ana kadókana ida Tomoya Yeisu ikaluvilamna.

1 Tesalonáika 5:25

Segowo, manuma kokaawanōi.

Iberiu 11:4

Ebeli ina numisa goi ina vininabeso ikasale Yaubada yaina go, ina vininabesoyana Keni ina vininabeso idedevinasave. Ina numisayana pasina Yaubada ivayoko kina kiboobosina ame nakae: Ina vininabesoyana iuyaone. Ebeliyana bogina ikámasa go, ina numisayana goi ana kaigigita nava ibobóbwara yaida goi.

Iberiu 11:7

Boi nimatu Yaubada Nowa igimikatumatali idigo kana, ‘Nava bei dogoi maniyedi aguinuwedi go, guinuwayadi geya tayaamo avatau boi nakae igitedi.’ Nowayana mana wowoina inove, e ina numisa goi dedeoga gagaina iyowo mana bodayauwo adi yava manuna. Ago dedeogayana ana yówana goi da poyapoya itakinoidi kidi toogoyoidi go, Yaubada Nowa ivayoko kina koroto kiboobosina ina numisa pasina.

Iberiu 12:13

go, imi kenao kokitotomoiīdi bego kidi topem geya sikapusita, go sem bei sidedevina.

Iberiu 13:18

Nava kokaawanōi kai manuma. Moe itoboinemi unana kayagoi bego nukotoma geya isabutukoidita ima sinapu komi yaimi manuna. Ima nuwonúwana kama, ‘Tuta liliuna tapoikíkina ida sinapu sidedevina.’ Tauna kokawanōi manuma.

1 Pita 2:24

Tutayana Yeisuyana kerose goi situpatuko, toinina wowona goi ida goyo ana liuna ilotowoidi bego ida goyoyadi yaidi takámasa go, ma kiboobosida taaketoiya. Tauna Tauyana ana kaipíyama kiyauna pasidi ida goyo goi kita tadedevina.

1 Iyoni 3:22

e kaga kaga takawaanoiye Tauyana yaina, bei ivinida. Moe unana Tauyana ina lovina takabikaaonedi be nakae ava guinuwava Yaubada iuyaaonedi taguuinuwedi. Tauna bei ida kawanoiyadi bei inovedi.